Review: Gospel Tangkou & Khristian Kangkou

Bang zieha tam gel khel khel a'ng pangput ahei nachi kha mai thei. Chi tuoh mawng zong ahina hi. Ha tengin Zolengthe a download thei di'n ang thot zing gel uhi. Kana sim jel a, akhen chiengin chitah bang huoi kasa hi. Zou nam pumpi sunga laibu hateng a suoh i neisun uh hi lenlon gel nalai. Tam laibu gel toh kisai a bulpi lamte hi'n mun tuom a umte kungah kup tuoh them khat um in ka thei hi.

01. A Sunga Thu Ki Gielte: I tangkoute uh na sim khe e sim khalou chi vang thei sing, hinanleh ha tenga simte di'n chimta um isah hun zong um dingin ka ngaisut hi. Hattuom a ahi dungjui in Pasian thu-le-la ma suoh ding mawng hinah, ahi'n i musitna leh simmawhna hilou in khat vei vei outdated kasah hun bang a um thepthup jel hi. Tu giel i chi zong a masala tampi a'ng kihal khawm chiengin hing simnop pan hi. Tangkou a thute a taangpi'n en leh uchin singtangpa huohbu apat hing kuon doh, hattuom sunga khat leh ni sun kha chin chen di'a siihnei tah a kigen chite um sim zepzep in ka mu hi. Tam banga i laibu neisunte uh i suo zom zing uleh a thawn a kihawm hinaleh mi'n a'ng simpeilou hun uh hing um ngeingei di'n kilang hi. Article khat na gel ding leh bang chi'n ki giel leh mi ahiip in, tha nuomtah in mi'n a sim thei diei chi ngaisut ngai hi. Tulai khovel kiheidan zil a laibu a thu kigielte zong khansaang toudeu poimawh hi.

Tedim Gam thuneina Zou leh Kamhau – Sukte ana kitu ngei

India leh Burma ki khenma peh peh, kum 1886 laivel in Tedim gam sungah vaihawmna kitu in Zou leh Kamhau mite ana ki tuoldel ngei uhi.

Kum 1911 apat ki publish Tedim Thu Kizakna Lai (July 1937, p.4) in Kamhau mite leh Zou hausate Tedim gam ana kituhna uh genkha hi. Tua hunlai in Kamhau-Sukte ten Tedim gam lienpi ah vai ana hawm uhi. Tuahun kum 1893 lai in Zou khuo 19 – Tuitum, Nabu, Kwunki, Tuidam, Chenglam, Mulam, Vanglai, Loibual, Savum, Yimwell, Buksau, Tunzang, Tunka, Tunvum, Hawbon, Chilpi, Beltung leh Narlzan (foreign historian te geldan) ana um hi.

Tuahun lai in Kamhau miten Zou khuo Thangkhal, Tungkua, Tawtak, Vanglai, Tualzangm Theimual, Belbi, Lailui leh Khuadai te ana luonkhum ua, ki tuol delna huoise tah ana pieng hi. Khat in jou jel, khat in lel jel chin ana um den uhi. Kamhau in Tedim khopi luota chitu ang um chiengin Zou hausate zong kitha patkia ua, Tedim khuo haltum dimdem uhi. Tua mi hun in Kamhau ahileh gamlah a kibu in anasuota hi. Thadou leh Burma miten Zou hausate ana kithuopi uhi.

Bridging the Zo people through Music

We all know that music can do great things, music can bridge the gaps and music can build walls. We may think that music is just a kind of entertainment or just an accompaniment to a song. Music rocks and pull the youngsters, give peace of minds to the sorrows, give comforts to the lonely people. So, lets use music to bind us and build a new bond of love.

Recent example, some of the well known and popular Mizo singers in Tutkhawl Zaikhiang did a great job. Some people from Mizoram as far as i have experienced from chatting might not be aware of what Simte language or who and where they are from. It is highly appreciable that the Mizo singers

with lots of difficulties learnt and bring out such a great album. Through this Simte VDO Album, i have a great expectations that there would be certain closeness as well as awareness among us who and where we are.

Therefore, Let Mizo singers often come to Churachandpur and Zomi or Kuki Singers in Mizoram.

Manipur ADC Election, bang chi panlah ding

Kum 20 val ving veng Manipur Autonomous District Council kitelna ana umlou nuo in tukum April chienga um kia ding hitaphiel bang in thu ging veng vung tahi. Tam thu toh kisai in Indigenous Democratic Front (IDF) te’n pan theina teng a pansie khaw in Manipur Solkal naw chitah in nawh veng vung ua, lawching ding dan in hing kilang khong khong ta uhi, hinanleh Manipur Govt chitah a hun kuon chienga hunchiem umlou a koikhiet phot ahita a’ng kichi mel zong thei hinailou hi.

Tukum ADC kiteelna a’ng umtahpi ding ahileh Zou context a UZO in pan akhaw theina teng a khaw sawm sam ding ahiman in keima ngaisutna adih hi ka china vang hisih, hinanleh tabang in ki bawl thei leh i nam a ding in damna ahi diei china toh tamlou ka giel hi.

Zouthai film a Budha lu kitute, a tanglou di’a ki gingta pen in “Ka tan lou di thou thou ka saat siet dih” achi pen, election hun chiengin um nuom mama hi.

Zolengthe aims at Digitizing the Zou society

In this fast moving digital world, the Zou society is also moving steadily to cope with the digitization of its community. Zolengthe aims at digitizing the Zo society at it maximum posible ability. It has so far digitized one of its major church i.e. Manipur Evangelical Lutheran Church on www.melcindia.org site. Now it aims at digitizing the Zou Presbyterian Church (ZPC). It aims at moving on to UZO, ZYO, ZSP and other organisation of the Zou society in India and abroad.

First, lets define what is Digitizing or Digitization.

Digitization is the process of converting information into a digital format . In this format, information is organized into discrete units of data (called bits) that can be separately addressed (usually in multiple-bit groups called bytes). This is the binary data that computers and many devices with computing capacity (such as digital cameras and digital hearing aids) can process.

Simte VDO Album “Tutkhawl Zaikhiang” editorial review with VDO

“Tutkhawl Zaikhiang” i chi pen a theinop sem di’a gen ding hilei ‘khawlkhawm a la sakhawm’ chi hi mai dingin ka gingta hi. Simte sangnaupang “Khangthah Zuun Pawl” te’n KZP kum 50 chin lopna ding toh kisai a unaupa Chris H. L. Simte panlahna toh thupitah a ang bawl doh uh ahi. Tam VDO Album chituomna khat ahileh Simte ham a kisa hinanleh asate unau Mizo lasiemte ngen ahi uhi.

Mimi Renthlei, Mami Varte, Zomuanpuia, Lawmi Khiangte, C Sanga, Sanglura leh Joseph Zaia te’n Simte awfoi dihtah a a’ng sah khiet uh i mu chiengin gintaat huoilou phiel lah pataat huoi kasa hi. Akizilna uh i et leh uijat lah huai sim, pataat lah huai sim jel. Zo ham dang kichi mawng mawng theilou pawlin tabang a ang sah khiet uh akoi koi in ngai chiet him him ding in dei huai kasa hial hi. Gen be kia talei, a awkai dih chiit chiet sih nanleh hichi deu eh china ding pen atawm mama hi.

University of Michigan apat Zou Script suichien nuom um

United Zou Organisation in Zou script chia official a apuon, A BA AW DA pen University of Michigan, USA apat in Ph.D. bawl khat in suichien nuom in Zolengthe tungtawn in hingkan hi. Thulahlou emailte hi dinga kana koi leh 2/3 ang kan man in ka reply khong khong ta hi. Tuachi’n ama zong hing tha nuom deudeu in Zou Lai/Script pen akip akawi a hing dong tou touta ahiman in ken zong alaibu scan zawzen in kana thot thruopta.

UZO Logo a kigiel pen leh a script te a ettuo chiengin lungbuoi kisa hi ngei ngei ding ahiman in hing email jelta hi. Ken zong a law ngaina theilou, alampi um sun chi’n a panpi thei dia ka gingtat UZO GHQ, ZLS chite leh Dr. Lalpi te kunga thuchien akan ding in kana thu hilta hi.

Tam atung a kouma mimal kihouna kang talatna san ahileh Zoulai pen hing pallun ding ahi chi gingtatna lienpi ka nei hi. Eilawi in tu-le-tu in a zahna ding poimaw umsih chinanlei, hun hing pei jel ding ahiman in, sil khat poupou hoitah in ana kem lei ahing pallut hun pen hing um ngei ngei in a mu thei in um kasa hi.

Ngaidamna: I phulou lunsim thoidamna nasep

~ Tungnung Zamlunmang Zou

Tam article ahileh MELC Delhi Local Pastor in inlam a suty a’ng peisan ziehin ut-lou chamlou a Pasian thu hing gen ngaina mun a ka ding ziehin ka sermon ding thu toh kisai them khat ka gel khiet pen ka hing suhsau deu ahi, Ni bangja ahei khat bangthu ki gen ding ahi’a chi a kaki ngaituo dedu lai in ka lungsim ah bangma hing lutlou hi. Lunsim a thum kawm a ka ngaisut charchar lai in Ngaidamna chi hing kilang hi. Ningkum a ka lawmte khat in Ngaidamna haupa angchi pen ka lunga hing kilang ahiman in, atam sem nei thei ahikha leh chi’n ngaidamna thu Peter in Jesu kunga a doh pen ka suita hi. Thu gen ngeilou akihi man in bang chi ki suongtuo ding chitoh ka buoi khop nalai hi. Tam banga ka ngaisut veng vung lai in Mathew 18: 21-35 tungtawn a houlimna nei hileh chi’n tam anei ate kang guolta lemlum mai hi.

UZO in Education policy implementation abawl, thuop ngai

United Zou Organisation GHQ in a guon, Education Department te panlahna toh Behiang kuol a sangnaupangte khuolna zieh in tukum apat High School hoitah khat din khiet didan in umta hi. Roman Catholic hattuom in hun sawtpi ana etkol, hinanleh i gam a lemna leh muonna in vai ahawm lou zieha ana khawlsan uh St. Mary’s School pen High School level a upgrade hi ta ding hi. Tam school ah tukum in tan 8 (class VIII) tan um dinga, a kum kum in kibe tou tou ding chi hi.

Tam Behiang kuol a skul hoitah koi ding thu toh kisai in UZO GHQ in Education Policy anei dunjui un December 23, 2009 nin Behiang ah akoi mi a koisa chi umlou in UZO GHQ in Education Seminar nei ta uhi. Tua chi’n January 5, 2010 nin lamkaite’n genkhawmna va nei kia uh a, Behiang bial a skul nei tuom tuom asaitu Board te toh ki thukim in skul pen pat thei hita ding in thupuohna va bawl uhi. Hinanleh, a dahuoi mama khat ahileh unau, EBC te saanginn pen adangte banga tawpsah ding pen hithou lou chi uhi. Tua ahiman in skul dang umte’n khah ding ua, EBC te skul leh St. Mary’s School maimai umta ding china hita hi.

Suolam mipilte apat ette kham chingte

Thumapui: Laisiengthou zil leh research thuutah a bawl hisih nanleng,  pian apat Pasian thu toh ana ki khangtou ahiman in hunchii khat vang kithei milmel sam hi.  Tam a nei a tekahnate ahileh heisung laibu apat kilakhia hilou in keima suongtuona leh lunggel ahibou hi.

Pasian neite Munkhat ah: Laisiengthou thuutah a suite’n suolam mipilte agenna ua’h, gambup khat chiet apat hing kipan ahi ban uah ahsi lam siem hidan in gen uhi. Kumpi meimei hilou, ahsi lam siemte’n zong ahinna/a lungtang ua Jesu anei/mu tah chieng un, mun tuomtuom, gamla pipi apat Jesu be diing in hing peikhawm thei uhi. Jesu nei hinna nuom kipahna thugu khu, mipil te'n athei siem sih chi hinanleh i mihing pilna toh ama gintaatna i nei chiengin hei mun ah um in, bang ham, bang pau zang in, a muol zatam in hing hal nanleh Ama be di'a kalsuon koima thase lou hi.

Lungsim pumpi toh Jesu nuojui: Bethlehem zuon a mipilte a lungsim/ngaituona teng utoh Pasian mapuina ahsi ajuui lai un lamkaal ah buoina bangma tuoh lou uhi. Hinanleh Pasian mapuina ginglel a milien/milal leh meikhuliente a’ng gintaat zawchieng un Pasian in kiphuol mangsan hi. Athangse thei Pasian in A nuo ijuui na’h ginglel loukei a ijuui laisie’n lamzang tah in ima hingpui zing diing a, hinanleh Ama saanga milien milal maipha isui nini’n hing kiphuol mangsan pei diing hi.