Letter to the President, Zomi Youth Association, GHQ

A jataat huai President,

Zomi khanglai leh Zomi nam vai a di'a gim leh tawl khaw salou a na ki zahnate lungsim a gel pum in jataatna chibai ka hing bu hi. Zomi Youth Association leh Tribe wise philanthropic organisation te relationship mengnou khat hing kum nuom ing.

ZogamOnline.com apat news item khat "...........Songtal YPA, ZYA a kheng a om pen Dt 8/4/11 sunin ZYA HQs in Namkipna Sun dak 11:4 in namkipna nei uhi. Huaihun ah hetu tuamtuam in a uap ban uah Pastor Kawlkhum PCI(R) Songtal in Unit thak leh vaipo te a ding in thum sakna nei hi" ka sim kha ni'n ka lungsim ah sil tampi hing kilou hi.

Ka jan mang, Election mang!

~ T. Zamlunmang Zou

Kum leh kum kilutuo a mang ki chi nei ngei khollou pa’n March 28, 2011 jan in mang khat kana nei kawi tiem tuom hi. Ka khahlaw in ka thei phiel phuol nalai a, tam pen gel doh a hoi ding ahi chi in ka lupna gei a laptop hong pai in ka thei dan dan in ka giel khe lomlom tahi. Tam hun pen jingkal lam nai 5.35 lahvel ana hita hi.

Mang ka nei jan ahileh Zomi lamkaite Delhi khopi a Zo suonte kivaihawmna ding ngai sut a ang zin uh, Delhi mipite’n Zomi/ZRO/ZC sung kivai hawmna lung-awpkaina umte suhchiengna ding a thudohna leh dawnna aki nei nita ahi khel khel hi. Tua nita a thu ka ja teng pi ka imut hagau in a gel gel ata diei vang thei jou ta sing, ahi’n mang hinanleh ta bang mang nei ngeilou kahi ziehin lamdang ka sa dap sim veve hi.

Waka Waka – Mission Singngat Assembly Constituency!

~ T. Zamlunmang Zou

“Tuozieh in mimaw bang hilou in, mipilte dan in nahindan uah pilvang ta un, Tulai nite ahoilou jieh in nahun lemtang neisunte nou kiman hoi ta un. Tuozieh in mawlawm sih unlen …………” ~ Ephesa 5:15

Tenth Manipur Assembly kiteel hun hing naita, a hui in Zodawn lang hing jaap kha panpan ta ahi ding, thu-le-la chi tuom tuom jah in ahing um kia panta hi. Tu hun chiengin Nam-le-gam it hing tam deudeu van in, numei kamsiemte bangin na bil a luonglut vahen thei ding thu hing kigen tampi ja va chin, tuo hun chiengin tulai nite leh mite a hoilou ziehin mi mawlawmte bangin Zou nawh suh pai sin len pilvang tah in ana ki ngaituo zaw bou un chi lah na thei ta ngal ua!

OPEN LETTER TO THE HONB’LE CHIEF MINISTERS, NEI

Honb’le Chief Ministers,

Shri Okram Ibobi Singh, CM Manipur

Shri Lal Thanhawla, CM Mizoram

Shri Tarun Kumar Gogoi, CM Assam

Shri Dr. Mukul Sangma, CM Meghalaya

Shri Manik Sarkar, CM Tripura

Shri Dorjee Khandu, CM Arunachal Pradesh

Shri Neiphiu Rio, CM Nagaland

Sirs,

New Year greetings to you all.

At the every outset, I would like to appraise you all that “It’s time to speak up and put a stop to discrimination against the Northeastern community in the metropolitan cities in our own country”.

Khuga Dam Deadline Bei Jelta, Ibobi in juau gen jel!

AICC lamkai Faleiro peizaw a Manipur Chief Minister Okram Ibobi Singh in Khuga Dam JAC kunga kamchiem abawl, kinem tah a JAC te’n October 31 tan ana ngah nuo un bangma lou, vaitung a zunthah bang mai in bei mang jelta hi. Nangpang khat kunga mithai hing leisah ning i chi in, aw ka manghil i chitoh kibang hi. District khat kiphinna pen ibobi in kimawlna bang mai a a ngaipen theisiem hahsa chite a beisah hinawnlou in ahithei tan a pan lah ding poimaw hi.

October 31, Pasianni in Khuga Dam JAC te’n Zomi Council, Kuki Inpi, Hmar Inpui, Mizo Peoples’ Convention, Churachandpur District Students’ Union, Kuki Students’ Organisation (CCPur), Zomi Students’ Federation leh pawlpi dang dang toh meeting nei in Khuga Dam in a piekhiet ding a sesha a umte leh bill pending a umte suhfel ahi ma teng Khuga Dam leh a kimvel teng ah bandh puong uhi. Tam bandh sungin govrnment gari, puophatna nasep leh IFCD (Irrigation and Flood Control Department) te Khuga Dam a lut leh pawt phal hilou ding chi JAC Secretary Lalpu Hangshing apat ja ahi.

Maban ah kiphinna chituom deu in aw le i bawl uh!

~T. Zamlunmang Zou

Maban a Manipur government in a’ng ngaisah lou zieh in CoPTAM leh Khuga Dam JAC te’n kiphinna sunzom ding bang in kilang hi. Bangdh leh General Strike te phatuom sih i china hi tuonlou in tuote’n metna tun maleh supna lienzaw tun ahiman a jattuom deu pan thei talei dei a huai hi. Tuma lam deu in bandh leh general strike chite’n lawhna sangin supna tam tunzaw ahidan ina genta uhi.

Lamka khopi leh mun dang dang a bandh, general strike leh office vel i khasah jel pen guntah in ngaisut lei eima leh eima ki gawt bang ta hi. CCpur District ahisihleh singtang district dangte toh kisai a kiphinna i bawl chia eima district sung isuh buoi zing pen aphatuom tah tahna amah? Eima district sunga pawlpi umteng lah ang support tu hi ngal, ang supportte a supportte uh bandh khum suh jel. Ei leh ei kigawt himai lou?

“Job Car”, Eh! Ka gen khiel kha, “Job Card” hi zaw!

Chief Minister Okram Obobi, in Porompat a Panchayat Bhavan a Year of Gram Panchayat chi azahna ua a thu genna Pradhans, Members of Gram Panchayats leh Singtanggam a kho hausa te’n a ma’u gilpi ding mai kuol in MGNREGS Job Card pen Job Car in a heng uh chi’a agen apil thei hausate a di’n i lu tunga meisa kibuoh toh kibang a ngai thei in ka ngaisut hi.

Chief Minister pu’n agen ba na ah tam a tung a Job Card toh kisai a lubawte’n nautangte tunga a nasepdante uh tunga lungkim huoi asahlou dan agenna ah, Pradhans, Members of Gram Panchayats leh Singtanggam a kho hausa a khomite uh bang account ki nei chiet ding in thu pia ua, a mawl leh asuhna ding theiloute panpi a kinei in hunkhop huoikhietsah ua, tuate in car lei uh chi’n gen hi.

School leh social organisation kikal

~ T. Zamlunmang Zou

Tu masanga St Mary’s High School, Tuibuong in sangnaupang 11 a pampaina thu a CDSU leh CDPSA te kal a kithei siemlouna pieng cheuh toh kisai ngaisut kham ching um in ka thei hi. Tam thu hing kipatdan ahileh CDPSA in a gendan in Sept. 3 ni’n St. Mary’s High School in Teachers Day zang ua, tuana sangnaupang 11 te’n ju dawn ua, Dr Radhakrishna Foundation School, Tuibuong te Teachers’ Day vaiguon zong va subuai uh chi uhi. CDSU in pampai a um naupang 11te lalut kia di’a St. Mary’s school naw uh chia ngoh in CDPSA in hunchiem umlou a skul teng kha ding chi’n thupuon bawl ua, CDSU toh kithei khelna pieng man dehtah hi. I gennuom pentah ahileh a peisa sil pieng dhtah apat maban a bangchi panlah ding chi ahizaw hi. School chin in ama uh kipuihuoina bu nei chiet ngei dingin gintat aum hi. Nei zong nei ngei ding uhi. A tua chileh tuachi ding, a tuachilou leh tuachi lou ding chite nei chietsam ding un gintat um hi.

Ei Ki Patepna - Suspension of Operation with Kuki Militants

~ T. Zamlunmang Zou

ZRO External Affairs Secretary, Pu Calvin H in Camp Muvanlai hon ni’a agen “Koi pawl, koi nam, koi jat hinanleh ama tang thahatna toh ding joulou ding hi” a chi in lienpi kawh hi.

Tawm nou khat hinanlei nam min (nomenclature) toh ina buaikha zieh un lungsim leh tahsa a ki chimat theilou in hun tampi ina subeita uhi. Hinanleh tuhun chiengin hun-le-nite ahoilou ziehin mi mawlawmte banga hing nawnlou in khat leh ni keng khat a dinkhawm dan i’ng thei panpanta uhi. Hinanleh tup leh ngiim kibang hinapi, tunitan pawl minkhat toh i dei i ngaite i nget theinailou pen Zo suonte dinga supna lienpi suo hi.

Zo nampi sepaite pawl 2 a kikhen in August 22, 2008 apat India solkal toh hiemkhamna thukhun (Suspension of Operation) pat in um a, Manipur cabinet in Auf 23 apat official in theipina bawl hi. Tam thukhun ahileh tunitan mit a mu in ahoilam ah masawn zing. A mun a mun ah designated camp hong pawl, galvante kilbet pawl um zingzeng tahi. Tam nasepna ahileh i theisa uh i nam adia lemna leh muonna, mani kivaihawm ding deina toh nasep ahi.

Mary Kom: The Queen of Women Boxing World

~ T. Zamlunmang Zou

Mangte Chungneijang Mary Kom also known as MC Mary Kom or Mary Kom, a female boxer from Manipur, India and a mother of two, clinch her fifth successive Women’s World Boxing Championship this year at Barbados, beating Romania’s Steluta Duta convincingly to take the light flyweight title.

Kom was overcome with emotion after her win of her fifth successive world title. “I would like to thank my husband and my sponsor for both giving me the will power and encouraging me. I’m really really happy and I thank God,” she said. Kom won her first title in 2001, at the age of 18 and has now taken gold medals at the past four AIBA Women’s World Championships.

International Boxing Association (AIBA) awarded her the coveted tile ‘Magnificent Mary’ at AIBA World Championships Ningbo City 2008.