Chief Minister Okram Obobi, in Porompat a Panchayat Bhavan a Year of Gram Panchayat chi azahna ua a thu genna Pradhans, Members of Gram Panchayats leh Singtanggam a kho hausa te’n a ma’u gilpi ding mai kuol in MGNREGS Job Card pen Job Car in a heng uh chi’a agen apil thei hausate a di’n i lu tunga meisa kibuoh toh kibang a ngai thei in ka ngaisut hi.
Chief Minister pu’n agen ba na ah tam a tung a Job Card toh kisai a lubawte’n nautangte tunga a nasepdante uh tunga lungkim huoi asahlou dan agenna ah, Pradhans, Members of Gram Panchayats leh Singtanggam a kho hausa a khomite uh bang account ki nei chiet ding in thu pia ua, a mawl leh asuhna ding theiloute panpi a kinei in hunkhop huoikhietsah ua, tuate in car lei uh chi’n gen hi.
I kam a i genkhiet lou vang in CM pu’n tam Pradhans, Members of Gram Panchayats, Chairmen leh Zilla Parishad Members kikhopna a thugen pen dih isah kiaukuau chiet ding uh gingtat a huai hi.
Singtang gam ah pen i hausa khenkhat in car lei jou nanleh na sepna ahileh akilawm bangin i mu chiet sam uhi. Hinanleh janggam ate’n ahileh kum khat a ni 100 nasepna mu khollou uhi.
Mani gilpi ding mei khuollou in Mahatma Gandhi National Rural Employment Guarantee Scheme (MGNREGS) kichi in a tup leh a ngiim theisiem tama lei, i khuo, i tui, i mi i sa in bang zatah in a phattuom pi diei? MGNREGS in atup thupi pen ahileh mizawng, sepna neilou singtang mite lah a kum-le-kum kilutuo a hinkhuo azah theina ding ua kum 1 sunga ni 100 nasepna neisah ding, lam tuom tuom tungtawn a singtang khote dopkangna ding ban ah tam nasepna apat sumpi ngailou, i gam apat pieng sing leh suong apat neh sui theina piensah ding chi ahi pen hi.
Tam MGNREGS ana kipat chil apat a thukhun khen khat ahileh contractor um lou ding, inn chin a kum 1 sunga ni tha 100 tei a lut ding, kal khat sunga nasepma pieh ngei ngei ding, numei leh pasal ten akibang nitha a mu ding chi ahi.
Centre government a Rural Development Ministry in state government kungah MGNREGS su thelthang sah te tunga Indian Penal Code leh Prevention of Corruption Act dungjui a akituopi bang thutanna bawl khum ding in thu pia hi. Rural Development Ministry ah tunitan in fund suh thelthang toh kisai soiselna 450 val lutta hi, hinanleh state government te’n mawpuohna dia a piesuh chieng un state government te zong a su thelthang a pang kha adi uai man action la pawl um nanleh a la lou atam zaw hina chi report um hi.
Bang teng hitaleh, i mi, i sa, i gam, i lei hamphatna di’a guolzawlna hing luonglutte ahi ding bangtah in zang thei chiet talei bang chituh in khantouna leh pichinna i nei ta di uai chi ngaitua thei chiet ta lei hoi pen i ki chielna leh ngetna ahi.
No comments:
Post a Comment