KUKI PEOPLE'S ALLIANCE (KPA) TUP-LE-NGIIMTE

Kuki People's Alliance ahileh political party tha hi a, Nampi tup-le-ngiim ban ah, Nam-le-Gam Etkolna leh Humbitna ding toh kisai a genkhawm theina ding tupna toh pat khiet ahi.

Singtangmite dopkangna ding, nam-le-gam kepbitna ding, khantouna lam tuomtuom ban ah lemna-le-muonna um theina ding khu Kuki People's Alliance nasep hing hi ding hi.

Kuki People's Alliance in solkal vaihawmna lam sang a i ma ban dinguh deljui hi zing dinga, vaihawmna siengthou um theina dinga mipite toh pangkhawm a nazep hizing ding hi.

12th State Legislative Assembly Election 2022 tungtawn a Kuki People's Alliance (KPA) in tup-le-ngiim a kineite ahileh:

1. Article 371 C leh Hills Areas Committee ban ah District Council:

Article 371 C ahileh India Danbupi (Constitution) a um ahiman in State Assembly in kimawlna a zah thei guol hilou dan manpha ahi. Tami article in Manipur a Singtangmite dinga tanvou a'ng piate - gam leh a sunga piengte neitu hina, khandan, tawndan leh pupa gousiete kepbit theina um hi. Tami Article toh kisai KPA in ngaidan leh tupdan kibahpi pawl tuomtuomte toh kithuo in pan kila ding hi.

2. Hill Areas Committee leh Autonomous District Council:

Autonomous District Councils Act, 1972 leh Manipur Legislative Assembly (Hills Areas Committee Order, 1972) te tungtawn in Singtangmite gam leh a sunga piengte kepbitna ban ah tam gamte khantouna dinga zah ding, District Council tungtawn a atuom a Budget bawl theina di'a thaneina umsa pen chin-le-ha toh pang a tahsuo ding leh tami tanvou kigelna Article 371C pen kepbit ding chikhu KPA tup-le-ngiim ahi.

3. State Assembly a Palai Kikim leh Gamgi Khenna:

Manipur gam sunga mising ahileh atangpi in 30 lakhs vel pha hi. Phaijang a tengte ahileh za lah a 55 vel pha ua, singtanggam a teengteng ahileh za lah a 45 vel pha uhi. State Inpi (Assembly) a Palai 60 umte lah a, phaijang apat in palai 40 pha a, hinanleh mising kikim phial singtanggam apat in palai 20 hi giap hi. Mising kikhietdan dungjui a palai sawl ding hitaleh phaijang apat palai 35, singtanggam apat palai 25 ahi ngai hi. Tam bang a phaijang leh singtanggam apat palai sawl ki khiet leh kituohlouna khu siemtha leh suhdih ngai hi. Tam khu ahileh assembly constituency gamgi khenna (delimitation) tungtawn a vote umdan hawmguolna toh bawl thei ahi. KPA in ngaidam kibahpi pawl dangte toh tami thu kigenkhawm dinga suhdihna bawl hi ding hi.

4. Manipur Land Revenue & Land Reform Act, 1961 (Amendments):

Manipur Land Revenue & Land Reform Act, 1961 kichi khu singtanggam hilou, phaijang a zah dinga solkal in ana bawl ahi. Hinanleh singtanggam a zong zah sawm in State Solkal in suh heng tou heng ana bawl uhi. Cabinet thutanna leh Commissioner Revenue's thupieh dungjui a Hill Districts a Surveyed Lands record teng Hill District a Deputy Commissioner te kunga koi ding chi hinanleh Phaijang a DC te kunga namthu a koi in um zing hi. KPA in tambang chindan dihlou um pen zong suhdih ki sawm hi.

5. Tanggam hinanleh phaijang huop a kikoi constituencyte:

Singtang gam in a huom khuo tamtah ahileh Phaijang (Valley) district sungah tam tah um a, tuate zong a umna ding dawl uh Singtang gam in a huom kha constituencyte a koikia ding pen KPA in ki ngai poimaw mama hi.

6. Human Rights Suhsietna leh AFSPA Ladoh ding:

Zalenna dei a kiphin North East sungah helpawlte gamtatna zieh in huhamna, tuolthana, mi neita humantah a lapiehna leh mihing zalenna tanvou tampi suhsiet in ana umta hi. Tamteng suhbeina dingin India Solkal in AFSPA 1958 daan khat ana koi hi. Tam dan zieh ma in dan kem ding leh enkai dinga koite mama in helpawlte ma bangin human rights nasatah in hing suse kia leuleu hi. Lunggel kibahpi pawl tuomtuom toh KPA in na kisemkhawm dinga AFSPA ladoh ahina dingin ki pang ding hi.

7. Ganhing Ju-le-Va, Sing-le-Suong Kepbitna:

Zougam hing diim diam nuai a um jousie ganta, ju-le-va, sing-le-suong, muol-le-taang kilawmtah a hing khawmte kepbitna dingin Forest Department toh nasatah in pan kila dinga, gam gawta sah thei ding sing-le-guo sat, gam vat chite beitheina dingin sum-le-pai pientheina leh ne-le-ta sui theina lam tuomtuom, a um thei bang bang in pan kila ding hi.

8. Zoukuom Damtui Sieng Kilkelte Kepbitna:

Kum tungtawn a tuidawn sieng kilkel mu theina dingin Zoukuom damtui sieng kilkel gamlah a pat hing luongte a ki naipi kho chin a kailut thei dingdan lampi nasa tah a lah hi ding hi.

9. Damtheina, Laizilna, Kawlphemei, LPG:

I gam sungah damtheina lam toh kisai, laizilna hi in, kawlphemei (electrict) ban ah tapsa chin a LPG a tung theina ding toh kisai in akisaipi Line Departmentte hoitah a theisiem sah leh naa sep sah hi ding hi.

10. Solkal leh SoO Group Kihouna:

KPA in India solkal leh Suspension of Operation group a pangte kihouna toh kisai thutanna a kin thei lam a bawl ahitheina di'a pan nasa tah a lah hi ding.

11. India gam mipi thaneina leh sakhuo zalenna kepbit ding:

Kuki People's Alliance in gamsung a thudih a vaihawmna,  lunggel leh deidan phuong theina, ginna leh sakhuo zalenna kepbit na ding in kal suon zing ding hi.

----------------------------

Translated in public interest by Admin, ZOLENGTHE

==========================