BJP leh Congress te party neute hel in a buoi in buoi uh. Party neute lah tulai nungah noute bang a kiliensah vawt uh. Iki ngai dingleh khi/bilba/tau nang leisah di chite dandeu a NPP, NPF, LJP, AITC te a tangvalpa uh BJP leh INC kunga kiphin uh.
*BJP nungah heldan en masa vai:* - BJP in govt a form zaw na di'a NPP 4 leh NPF 4 ban ah LJP 1 leh Independent 1 a kingaipi teitei ngai.
BJP leh NPF kiheldan nal vawt - BJP in kangngai achi leh BPF te'n nang ngai tahtah leh ka lunggul tinten khat um, tuami bawl dinga nang chiem masah ding chi'a demand a bawlkhum leh BJP lung-am vawt. NPF in ka Pupa gam khenjahna dia district tha kibawlte na phelkhiet kia ding leh iki ngai di chita giapguap. BJP kunga a nget kia khat ahileh Deputy CM nang pia di, tuaban ah India PM in cabinet expansion a bawl leh ka Pa Conrad Sangma zong Council of Minister khat a na koi di chi'a condition ana pieh khum maleh BJP zong a BP sang vawt chi uh.
BJP leh NPP kiheldan - (tampen fiction ahi) BJP in NPP kunga kumsawt loubang tulpi di'a dei chibang kang tel ana chi khiankhian leh NPP in NPF zong na hel, kei zong nang hel, na mittam. NPF sil nget bang bang hichet sih nanleh, kei zong panmun hoitah nang pia ding, tualeh NPF silnget kapu kapa gam uh achipen toh kisai kei a dia zong kapu ka pa gam veve ahi, tuami na phalpia ding leh eigel ki ngai theilou ding chia ana dawng kia ta leuleu.
BJP zong kipan kia in LJP ava helkia leh, LJP in zong panmun ang pieh lou ding leh kihou tam da vai a chileh BJP in na dei penpen nang a ding ahi chi'a khatvei zawl a va zawl jou hiau.
Tu dinmun a NPP leh NPF te te hel a akipei saan laitah, ju-um chivel, restraunt room neuneu a kimu chivel ana bawl laitah uh.
*Congress nungah heldan en kia vai le:* Congress zong mawhtou meimei samlou in, a veng tangvalpa BJP nungah helteng hel in buoichitah in ana buoi kia ta leuleu hi. Hinanleh nungah NPF in ava kihel masang a Congress in khupboh jen in hing hel nanleh pom kilkel lou ding achi man a Congress in va hel vetlou.
Congress leh NPP kiheldan - Kou innkuon tamsa ka hi uh, nungah dang hellou leng zong nang meimei toh nuomtah a insuong thei ding kahi. Na lungsietna neupen toh hing na pom in, innsung ah na deidei kang pe ding chi'a va zawl. NPP zong tambang thute a ja chia, India level a BJP toh ana kitenna uh lah phelkhe ut chiah sam lou, ahivang a Congress toh kiteng leh insung nuamtah siemthei ding uh ahidan lah kithei jel thou, tuatham lou in, BJP toh a kiten a jan chia a pasal BJP in ama toh NPF a lupkhawm hun a tuomtuom a abawl ding sang a Congress toh kiten hoizaw ding hive aw chi jel, ama zong lungbuoi in mi ngaidan kum a dieng lele. Tutadi a thutanna bang ma bawl thei nailou.
*A tehpinu kung a kiheh khop uh:* Tangval BJP leh Congress te lah ka nungah hel uh ka jouta uh chia a pi uh Governor kunga thu va tun ta thithe uh, a pi un na nungahnu utoh hing ki report un achi chieng a lah ki report thei chiah tuoh lou uh. Tam bang dinmun a a ding laitah un, mipite lah koi koi ang kiteng diai chi'a buoita veng vung.
*~ Pupu Zou*
*ZOLENGTHE*
*Connecting the Zo people*
No comments:
Post a Comment