Social Audit - Mipite thaneina
1993 kum, India Danbupi - 73rd Constitutional Amendment in India mipite thuneina nasa tah in ana pia hi. Tam danbu siemphat 73rd na in khosung leh vengsung mipite (Gram Sabha) in Village council (Panchayati Raj) nasepna, sum-le-pai zee dan leh nasepdan, solkal apat sum lutdan leh a zahdan tanpha uh deibang a suichet theina tha mipite khut ah ana pia hi. Tua tham lou in tam dan siemphatna in solkal apat kuon developmental scheme khat pou pou Social Audit bawl tei tei ding chi’n zong ana thutan hi. Tam dan siemphatna in a tup pipen ahileh khantouna nasepna toh kisai a nehgu-tahgu a umlouna ding leh a hi ding bang a nasepna bawl ding chi ahiban ah, a zaljou ding mipite leh ana sem thatawlte tunga dihtatna um ding deina ahi deu pen hi.
Tam bang thaneina mipite pieh hinanleh awareness a umlou ziehin a zang ding mipite’n ki zang thei nailou a, I rights uh ki hamphatpi thei nailou phot hi. Village level a siemzilna kit...asap zieh in tam bang ki theipha ban lou, tuami phase sa in village council leh panchayat raj te’n kimawlna in ana zang kha zel ua, tua dungjui in mipite’n zong I ne-le-ta suina toh I buoi zing zieh un ki ngaisah man lou nalai hi. A thei deu a ngaisah deute lah vengsung lamkaina na zataat sih chia thu thei nalai uh. Village council te tunga mipite kipum ngah zieh in tam bang hamphatna pen theipha hilou hi.
Tam hamphatna zang thei hi ta lei a phattuom na tampi um ding a, khantouna nasepna toh kisai in nasep peidan leh sum le pai kizah dan chiengkuong tah a mu peilet in um thei ding hi.
Panchayat/Village Council Committee te nasepna toh kisai nehu-tahgu um lou ding a, vaihawm dan hing lam zang thei pan ding hi. Nasepna leh etzuina toh kisai nasatah in hoilam nawt din a, mipite’n zong khosung khantouna ding toh kisai in thanuom suo chiet ding hi. Social Audit um thei zing hitaleh, bang ding a khosung mipite’n lung awpkai pum a Hausate leh khosung vaihawmte tap kawtawng a gen se pum a hin khuo zang zing ding chi thei phial in um hi. Tu sang a record leh documentation bawl dan ah village council in khantouna lam nawt ding ua, a zahna, a paina, a sepna, a sienna chite ah buoi ngai ngai lou ding ahi man in khasung a di’a zong khatouna nasa tah tuntu hi ding hi.
Tam toh kisai in, solkal agencies leh NGO te’n mawpuona nasatah nei uh I chi lou thei sih, I gam sung khangtou hen I chi leh awareness lam ha pei a peipi ki phamaw hi. I gam sung mipi mawlte pen a pil a siem te’n nasatah a mitvahna guon poimaw hi. Student level ah, philantrophic level ah, Nam level ah tam bang awareness poimaw tah tah toh kisai pan lathei ta lei a ut huai mama. Solkal apat khantouna di’a schemes leh programme tuom tuom tam tah um, hinanleh awareness lam iki tasap zieh un, solkal tup leh deina bang in ki zang thei lou hi. Tua ahiman in bang level a pat awareness bawl a hoi ahiei chi nampi lamkai te’n ngaisut hunta hi.
~ Pupu Zou
1993 kum, India Danbupi - 73rd Constitutional Amendment in India mipite thuneina nasa tah in ana pia hi. Tam danbu siemphat 73rd na in khosung leh vengsung mipite (Gram Sabha) in Village council (Panchayati Raj) nasepna, sum-le-pai zee dan leh nasepdan, solkal apat sum lutdan leh a zahdan tanpha uh deibang a suichet theina tha mipite khut ah ana pia hi. Tua tham lou in tam dan siemphatna in solkal apat kuon developmental scheme khat pou pou Social Audit bawl tei tei ding chi’n zong ana thutan hi. Tam dan siemphatna in a tup pipen ahileh khantouna nasepna toh kisai a nehgu-tahgu a umlouna ding leh a hi ding bang a nasepna bawl ding chi ahiban ah, a zaljou ding mipite leh ana sem thatawlte tunga dihtatna um ding deina ahi deu pen hi.
Tam bang thaneina mipite pieh hinanleh awareness a umlou ziehin a zang ding mipite’n ki zang thei nailou a, I rights uh ki hamphatpi thei nailou phot hi. Village level a siemzilna kit...asap zieh in tam bang ki theipha ban lou, tuami phase sa in village council leh panchayat raj te’n kimawlna in ana zang kha zel ua, tua dungjui in mipite’n zong I ne-le-ta suina toh I buoi zing zieh un ki ngaisah man lou nalai hi. A thei deu a ngaisah deute lah vengsung lamkaina na zataat sih chia thu thei nalai uh. Village council te tunga mipite kipum ngah zieh in tam bang hamphatna pen theipha hilou hi.
Tam hamphatna zang thei hi ta lei a phattuom na tampi um ding a, khantouna nasepna toh kisai in nasep peidan leh sum le pai kizah dan chiengkuong tah a mu peilet in um thei ding hi.
Panchayat/Village Council Committee te nasepna toh kisai nehu-tahgu um lou ding a, vaihawm dan hing lam zang thei pan ding hi. Nasepna leh etzuina toh kisai nasatah in hoilam nawt din a, mipite’n zong khosung khantouna ding toh kisai in thanuom suo chiet ding hi. Social Audit um thei zing hitaleh, bang ding a khosung mipite’n lung awpkai pum a Hausate leh khosung vaihawmte tap kawtawng a gen se pum a hin khuo zang zing ding chi thei phial in um hi. Tu sang a record leh documentation bawl dan ah village council in khantouna lam nawt ding ua, a zahna, a paina, a sepna, a sienna chite ah buoi ngai ngai lou ding ahi man in khasung a di’a zong khatouna nasa tah tuntu hi ding hi.
Tam toh kisai in, solkal agencies leh NGO te’n mawpuona nasatah nei uh I chi lou thei sih, I gam sung khangtou hen I chi leh awareness lam ha pei a peipi ki phamaw hi. I gam sung mipi mawlte pen a pil a siem te’n nasatah a mitvahna guon poimaw hi. Student level ah, philantrophic level ah, Nam level ah tam bang awareness poimaw tah tah toh kisai pan lathei ta lei a ut huai mama. Solkal apat khantouna di’a schemes leh programme tuom tuom tam tah um, hinanleh awareness lam iki tasap zieh un, solkal tup leh deina bang in ki zang thei lou hi. Tua ahiman in bang level a pat awareness bawl a hoi ahiei chi nampi lamkai te’n ngaisut hunta hi.
~ Pupu Zou
No comments:
Post a Comment