ZCF i chi Refugee Camp tahpi ma ahita ama le?

Zogam.com kasim leh The Lamka Post | January 15, 2010 issue sunga news item khat “Chennai ah YPA unit phut ding” (India simlam Chennai ah tunung zek chiang in Young Paite association (YPA) unit phuh hiding a, hiai toh kisai official process pailel in Chennai a makai ding leh YPA/Hq kihou lellel uhi. Chennai ah tulel in Paite mi Government nasem leh Private Company a sem mi 1000 val bang om in EBC saptuam leng ding kheta hi.) chitoh kisai a Zogam.com member dvzomi comment pieh kasim in ka lung hing khoi mama hi.

A comment piehte:

Comment 1: Chennai ah kum li bang om ding kahita a, himahleh Paite milip 1000 val omdan a kigelh pen kha dik din ka gingta kei hi, Chennai a Paite mi omzah 1000 a ching kei di chih chiangtak in ka gen ngam. Zomi milip a sim di hilehle 1000 aching zou naikeilai maithei.

Comment 2: India Khopi (Mumbai chihlouh) a ZCF omte khangthu kana ngaihtuah veng2 chiang in ZCF kha refugee camp dan a kizang in na mu ingh. A hang bel ZCF saptuam tuam2 in hong kikhen dalh a, huailak a minority tribe penpen in a tan bawl hi.

Comment 3 : ZCF eimah in phut khia hang a, eimah in khenzak zel. Huaisang in phungvuh zaw le maw.

Comment 4 : Thil tampi phut khe zelzul lou in thil khat i hih peuhpeuh ah kuhkal tak in pang le. EBC phut khe ut bang in chuh a bul tung a pat ZCF ana phuh khiak sese sang a EBC mah phuh khaik mai dia hoih omtak ahi.

Comment 5 : Zomi ikichih vet leh a paite, a bangte in ki huai tuamtuam se dah le. Lungsim neu vai lua hi. Hilou hiam?

Zomi Christian Fellowship chi’n mun chin ah ana ki phut sam hi. Hinanleh mi ahing tam dungjui in mun dang dang ah kikhen thang in ki um jel hi. Comment 2na en lei, unaupa dvzomi in gen dih isahna chieng zong um ding in ka gingta hi. A genna san hidia ka gingtat ahileh mahni kenga i din zaw masang teng Zomi Christian Fellowship ki zom, eima leh eima ki toudel jouta ding dinmun a i hing um chia, ki nuasie jel ahiman in Refugee Camp achi pen dihsih china ding lawm lawm um kasa sih hi.

Mun tuam tuam ah

Comment 3na agen pen bang dih mama. U nau Paite ham zangte a tam dungjui un a geina lam lam uah nam tawm zawte huoi theina hun chieng nei sam uhi. Hinanleh, aselam a lahlou din frank deu in gen mailei, innlam lungsim pen bei tuonlou ahiman in ki chimatna tahtah um thei tuonlou hi. Mun khat ah kikhawm in Pasian bekhawm vahuau lei zong i lungsim pen a vomte vom veve, a kangte kang veve ahiman in tuina tah tah um thei lou hi. Mi frank deute gendan hileh tua bang a lungsim khat a luongkhawm thei tuonlou, lungsim ka gel thou thou a luongkhawm thei teng mun khat a kikhop manpha zaw lou ding amah chi zong um thei veve jel hi.

ZCF apat kikhenna zieh leh apoimaw na khen khat

1. Zomi te i geina lam lam ah phelum pul bang in ki khang huai huai hi. Tua ahiman in ikipawl khawmnate uzong i khan dungjui ua aliensem sui poimaw tou jel hi. Etsahna di’n: Delhi a Zomi umteng leh ZCF a ana kikhawm sa teng tunitan kikhawm khawm nalai ding chilei hei sung mun izah ding uh hita? Ambedkar Studium lahvel bang i zah uh poimaw ta mai thei hi. A mun leh muol in zong hing dailou ding ahiman in kikhenza pen a excuse hoi khat hing suo thei hi.

2. Mun khat a i um khawm leilui chieng in mi zahthei leh zahta mama tampi zah kha lou in um thei jel hi. Ki hal nuom mama, hinanleh mi tam zieha a kihalna ding poimaw um senglou, tuote pen i hing kikhen thang chieng un a hidden talent uh hing zang thei jel ua, tua zong a excuse hoitah khat hing suo thei jel hi.

3. I chi vanga, hei mun ah um lei zong, innlam a bulpi nei chiet akihi man in i bulpi ma ki kkhaw ngai vevaw sam hi. Tua ma bang in i bulpi lamten zong hing kineppi mama sam uhi. Khopi khat a mi 10 kikhawm toh innlam khota 5 a kikhawm te contribution pen ki bang thei a, zong tamzaw thei nalai ahiman in bulpi lamten hing enla mama uhi. Pawlpi i chipen sum-le-pai umlou a ding thei tuonlou ahiman in sum tamna lam lam pen ki limbawl nuom chiet sam hi. Innlam a i bulpite un a sun a jan a ang taw dawt dawt chieng un ta lang a umte zong dih leh hoi isahna hing tamzaw thei jel hi.

4. Alina pen simtuten a belap ding un koi tai eh! A nuai ah Comment Box ah na zop nuom dandan in ki zop mai toh.

Note: Koima kapna leh koima mudana ki giel hilou in, sil um thei leh umsa te tungtawn a ngaidan share ahi bou hi.

Please Visit ZOLENGTHE.NET | Connecting the Zo people