TIV Silver Jubilee Souvenir

Be-le-phung U-le-nau a kikantuona leh kipawlkhawmna i-chi-inam lah ua, ana umjing dungzuiin, Tungdim, Tungnung, Tunglut leh Tungte kichi ten zong 1970 in Tungdim Phungpi Organisation a kikhaikhawm ding, chiin, Molnom Phungpi Khawmpi ah thupassed ana kinei a, T.P.O min in innsung/Be sunga thubuoi – luong – le – ban, gam – le – muol thu leh numei/naupang banah zi – le – ta kal a buoinate ana kisai tou jing a, hinanleh hun bangtan ahiei nua in, T.P.O pen defunct leh active loua, ahing umphet in Tungnung kichi Pawl in zong 1984 in Pu T. Gougin Inn, Tuibul ah Tungnung Phungpi Organisation, chiin Pu (L) Khamkhojam Chairman leh Pu Tongkhosoi Secy. hiina in ana kiphut khie hi. Tua zong deibanga paithei tah tah lou in, March, 26, 1994 in Pu T. Gouzalal Inn Tuibuang ah Innkuon kikhopna khat akinei a, tua mun ah T.P.O pen Tungnung Innkuan Vaihawmpawl chin hen ahita hi. Tungnung pen Phungpi minkhat T.P.O (Tungdin Phungpi Organisation) nuai a um a kihijiah in, T.I.V a hen ahi jaw hi.

A masapeen in Tungnung Innkuon Vaihawm Pawl, a Kum 25 chinna (Silver Jubilee 1984-2009) tan chieng hingpui tung i Pasian in thupina tangta hen. Tualeh Jubilee melmu Souvenir sunthei a i um jieh in kipah huoi i sa uhi. Tungnung Innkuon Vaihawm Pawl (TIV) chi a i kikhaikhawm jieh uh ahileh i innkuon sunga nopni/dahni, luong-le-ban, zi-le-ta, gam-le-muol, khuo-le-tui kal-a buoina umte suhveng tupna leh Khovel khantouna chituom tuom siemna/ pilna lam a panlah semna ding tupna banah innkuon kitheituona ding tupna leh u-le-nau dang dangte toh kal a buoina aum khah chienga lemna aum theina ding a panlah tupna zong ahi.

Tualeh Pu. G.S. Haupu Zou, President U.Z.O (GHQ) leh Pu Gouzalal Tungnung, President T.P.O (Tungdim Phungpi Organisation) te’n deisahna thu (messages) ahing pieh jieh un, lungdam thu ka tut uhi. A tawpna peen in tami Laibu (Souvenir) sunga thu umte-gelkhiel/genkhiel banah min/lim tuong dinga kilawm, atuong khalou aum dinga tuate jieh in ngaidam ka hing ngen uhi, kin-le-buonga bawl ahina ah bukimlou, leh chinlahna te ah kingaisiem chiet vai, kipah ung. T.I.V Khangtou in, masawn hen.

Na U naute uh

1. Upa Tunzagin

2. Gouzalal Tungnung

3. Samuel Tualminthang

4. T. Chinzakhup

Editorial Board.

Download the Souvenir Here