Jesu Thawkiana Sermon Outline

Laisiengthou : 1 Corinthians 15:17-18

 

Tualeh Khrist kaithoua na umlou hitaleh, na ginna uh amawhna ahi dinga, na khelna uah na um nalai ding uhi.  Tuachi’n Khrist a na imusate amangthang ahita ding uhi. Jesu Thawkia Dingthu Ana kigenna munte

 

1. Jesu ngelin a thawkia dingthu puongza:

1. Jesu'n adawnga "Tam biehinn susie un, ni thum sung in ka tungding ding hi," achi hi. (Joh2:19)
2. Tuahun akipat in Jesu’n Jerusalem ah apei dinga, upate, siempu liente, leh laigiel mite, lah a sil tampi athuoh dingte leh tha a aum dingdan leh, ni thum ni a athawkia ding dante, anuazuite atheisah panta hi.   (Mat 16:21)
3. Tualeh Ama athat ding ua, tualeh ani thum ni in kaithouin a um ding,” achi hi. Tuachi’n alunggim mama uhi.   (Mat 17:23)
4. Tualeh Ama khu chiemnui bawlna ding leh zep ding leh Kross a kilbeh dingin Jentelte khut ah ape ding uhi. Tualeh Ama ni thum niin athou kia ding hi, achi hi.   (Mat 20:19)

2. Thuhuntha mun tampi ah gen in ana um:

• New Testament laibu giel mi 8te lah a 6 te’n chieng kuongtah in giel ua, Jacob leh Juda ban ah Hebrew gieltu’n zong ana giel ua, hinanleh a dangte gel bangin chieng senglou hi.
• New Testament bu 27te lah a bu 15 te’n Jesu thawkiana ding thu chiengtah in ana gen uhi, hinanleh bu 12 te’n gen nan uleh ngaidan kupna bangin ana gen mil mel uhi.

3. Old Testament ah zong gelkha in ana um:

 

Laisiengthou telsuite gendan in Peter in Psalm 16:8-11 a David laigel pen Jesu thawkia ding toh kisai a gel ahi dan Nasepte 2:25-27 ah ana genchien hi chi uhi.

 

“Aziehpen David in Ama tungthu ana gen a: Mangpa khu ka masangah Bangchihlai pouin, Ka mu ngitngei hi, Suhling a ka um louna dingin, Ka zietlam ah a um hi. Tuaziehin ka lungtangin nuom asa a, Tualeh ka lei zong akipah hi; Tuathamlouin ka tahsa zong, Kinem tahin akhawldam hi.  Aziehpen ka hinna mishi khuo ah, Na nuasie sih dinga, Na misiengthoupa zong, Amuot ding na phal sih ding hi.   (Act 2:25-27)

 

Leeng David khu thumavang gen siempu mabangin Jesu thawkia dingthu ana gen chi uhi. Hades ah a hagau nuosie ahi si’a, a atahsa zong a muot sam sih hi, ana chi in tahlang hi.

 

Bangzieha A thawkiana tachi poimaw atazen diei?

 

4. Thawkiana ana umlou hita leh Jesu thu pen khantanhoi hinawnlou ding ahidan 1 Corinthians 15:14-19 ah chiengtah in ana kigiel hi.

 

• Khrist thoukialou na hitaleh pen ka thugen uh amawhna ahi dinga, na ginna uh zong amawhna ahi ding hi.   (1Co 15:14)
• Tuami umlou hitaleh Paul leh sawlta dangte techi dihlou hi ding uhi (Ahi, Pasian in Khrist akaithou hi chia, Pasian theipi mi hi a thu ka gen ziehun, koute Pasian theipi mi dihlou bangin ka kilangta uhi; mishite thoukialou  hileh Pasian in Khrist zong akaithou  sih ding hi.   (1Co 15:15))
• Tuami umlou in khiel a um na hi zing nalai ding hi, v.17
• Romans 4:25, I siemtan na ding ua kaithaw a um kia ahi.
• 1 Peter 3:21, Khrist thawkiana zieh in hutdam in I um uhi.
• Romans 6:4-5, thakiana louin baptima amawhna ahi ding hi.

5. Hutdam nahina dingin Gingta in:

 

Romans 10:9, Pasian a thoukia hi chin ka lungtangin gingta in.