Bang zieh a UZO vai a na kibuolkha kahia?

May 3, 2020 nita, keima tang a innsung a tou, Zolengthe facebook leh whatsapp group a thu ki post leh commentte ka simsim leh UZO, ZYO leh ZSP thu ma dim ahi chia ka lungsim a sil khat hing kilang tiamtuom hive aw! High school kailai apat ZSP a ana ki involved den, tom khat jou a ZYO lah vel a hing ki haltou kia, hinanleh UZO level tan a kihal ding leh UZO vai a kipei ding chite ka ngaisutna zong ana umkhalou hinajenpi, bang chidan a panmun lientah tukha zong hilou, kum tamlou peisa apat UZO vai a ana ki halkha kamah chi ngaisutna hing kilang kawi laizang!

BAILAM TAH A KIPESAWN THEI COVID-19 LOCKDOWN BEI CHIAH

I state sung vua COVID-19 natna vei mi nite thoidam zatoute, tami natna apat kivenna ding a panla leh lummaw toumaw jen a dan-le-thupia bawl a enkai state solkal ban ah, dan-le-thupiate hoitah a jui leh mahni innsung a ki khum chimit mipite ziehin I state Manipur pumpi khu Green Zone a phuon a umta ahiman in zatoute hi in, solkal hi in mipite hitaleh I pankhawmna zieh vua COVID-19 natna hit apat tu tadi a ki vengbit jou ihiman un, patatna sangpen pieh ihita uhi.

Widening of Tedim Road in Lamka Town – Who’s Responsibility?

If you ask every individual who passes through the congested Tedim Road in Lamka town about widening the road, I hope 99 per cent would agree to the proposal. Everyone knows that it is congested and needs to be widened and road divider needs to be installed.

Lamka town, as we know is the meeting junction for all the people of the district. It is the main town of market linkage for all types of business from far and near. We all know that the existing road width is not adequate to accommodate increased density of traffic. Pavements are narrow, disconnected and occupied by shop owners. Human and vehicles have to fight for space on the road. There is no road proper dividers and all the turning points are as narrow as that of IVRs.

COVID 19: I KHOPAM HING TUNGTA, SOLKAL KHAUTAH A PAN ALAH NGAI

Khovel pumpi kiliing sah, awl awl a masawn zing leh a suh khakha nalam dop neilou, hinna la natna hi (the killer virus) kichi COVID 19 (CoronaVirus) zieh in khovel pumpi ah mite lung thawmhauna leh chijatna in um sah hji. World Health Organisation (WHO) report in agenna ah tu-le-tu in khovel pumpi ah coronavirus natna in a suhkha mi 90,000 val um chi'n gen hi. WHO in March 1, 2020 ni'a thusuo a bawlna ah, a hing kipatna gam China ah mi 79968 in natna vei ua, mi 2873 te'n ahinna uh tanta uhi. China gam pumpi a Province 26 umteng ah tungsuo in, khopi 36 ah tam natna toh kisai shina tua umta uhi. China ban ah gamdang 58 ah tam natna vei mi 7000 val phata a, hinna tan mi 100 val hita ahidan WHO in March 1, 2020 nia report apiana tungtawn in muthei in um hi. Tuni, 04.03.2020 tan in ahileh atung a kipia number teng kibang nawnlou ding leh khanlam manaw ding in gingtat um a, khang petma ahidan new tuomtuom apat in muthei in um hi.

WHO in SOuth-East Asian gamte ki sakhol dingin theisahna bawl. SEA gam 11 umteng apat in gam 5 ah COVID-19 natna tungta. India ah natna vei 28, Thailand ah 43, Indonedia ah 2, Sri Lamka leh Nepal ah 1 tuatuah. Myanmar ahileh natna vei 1 um chi hinanleh adih ngelna hi chi report kimu khollou nanleh umtham ta dinga ginmaw huai mama gam khat ahi. Azieh ahieleh labourer/kilaw mite China gam a tung-le-kuon kiphumat den zing ahi zieh ahi. Report khen khat kimu in agendan in Myanmar ah tam natna vei mi 1 matkhiet hita a, mi 9 te ahileh etkhietna mun a koi hidan in thusuo khen khat in gen hi.

Chin National Day - Zo Minam Ni ahina bang tah a zah hunta

Khovel munchin gam chin a um Zo suon, Zo mipite, Zolengthe vaisaite'n ngainatna lienpi toh Zomi Nam Ni or Zo Minam Ni chibai ka hing bu uhi. Tam Zo suonte dinga ni poimaw, i Nam Ni in i lah uah ki itna leh lemna hing tun tahen.

Zo Minam Ni i chi a khietna tuam deu in let ta lei “The day our flesh, soul, heart and whole body are filled with the fragrance of Zomism” (Zomi gim nam ni) chi hileh kilawm, hi zong ahi ngai ahi. Zomi Nam Ni i chi a'ng kipatna them khat suut zuai talei;

Chillai in Chin Hills sung ah hausa Tlaisun(Hlawncheu), Bawithang, Hauhulh, Sumthang, Laizo leh Zahau adangdang vaihawmna nuai ah ana um uhi. Burma in United Kingdom apat in kum 1948 in zalenna ana mu uhi. Tuachin Falam khu munpi (capital) a zang in Chin Hills Special Division siemkhiet in ana um hi. January 4, 1974 in Chin State pieh in ina um uhi. Chin state sunga ham-le-pao kizang tangpi ahileh Laimi, Zo, Thadou, Khumi, Mizo, Asho, Mara, Cho, Daai leh Tedim ahi.