Ka Lampi, I Lampi, Na Lampi Ta lawm lawm!

Lamka khopi i fang kuolvel a, Paupu Auto a dim in a dim, gari neu leh lien lah dim boh. Mi hingte'n lam pi ki tangjou nawnlou, lamlien dung i jui suh leh lampam a dawr bawlte lah dawr sung dollou jen jen jen in mihing peina ding mun awnglou jen in a vante uh pavement lah vel ah lui dim seu sou uhi.

Guo hing ju, mihingte adingin peina ding mun awng talou, hawtui in lamlien teng tuom, mihing peina dinga kibawl footpath teng lah vah zuohna dim ahiman in mipi a dingin ki suonla bang huai zawzen hi.

Lamka I Vangkhopi Hi

Lamka i vangkhopi hi, tua zong i tan kha diei deh, i pu i pa lunggai a, a pham mei ding maw?

 

Manipur valley a teng, Meiteite'n Inner Line Permit nasa tah a a dellai un, singtaqngmite'n bangma gelpha lou bangin hinkhuo ina zang zing uhi. Hun saupi a ding et in, ILP pen singtangmite'n amau haw sanga poimaw zaw tham i hi dan uh tu dinmun et in chieng mama hi.

 

I khopi neisun uh, Lamka, Kangpokpi, Singngat, Thanlon, Henglep leh Motbung te enlei, local mi sangin state dang apat hing lut, dawr bawl leh summet mawlna lam tuom tuom ah a tamzaw pheil ahita uhi. British hunlai peh apat tanvou a'ng na piehuh, singtanggam a phaigam mite tengden, gamtat zalentah a um theilou ding chi hima nanleh tuhun chiengin tuomi tanvou pen bangma lou suo hileh akilawm phiel hi. Tam bang a iki theimaw bawl zing ua ahileh tunuo kum 5/10 jou chiengin singtangmi te pen Tripura a tribal, a gamneite minority ahi upen ei maban hing hi thei hi.

Zalenna muna dingin Thagum moh, Tanvou?

Mihing hinna tampi leh sisan naisan toh tawlnga loukei a zalenna kum 100 val ana del nuo un, mulkim huoitah in India in zalenna kum 1947 in ana nga. India chi’a gam khat a um ding chi hinanleh Muslim leh Hindu kichimat theilou ahiman in India leh Pakistan ana pieng lawh hi. India Independence day a 68 veina I zah lai un, ana lamkaite geltha kia lei ut huai isa. Thagum suong leh suonlou lamkaite koi lawching zaw ngaisut tham ching kasa.

Rani Laxmi Bai, Jhansi leengnu’n Britishte thagum toh ana nawh a, galphuol a tha in ana um hi. Mahatma Gandhi, the father of the nation in India mipite non-violent toh ana ma pui a, India zalenna ana mu, tunitan in khovel pumpi ah Lemna leh zaidamna thu akigen chiengin ami’n kilou zing hi. Sardar Vallabhai Patel in ahileh lenggam neu nou nou tamtah ana kaikhawm in, gam khat a kivaihawm dinig dan ana tangkoupi hi. Bhagat Singh in Legislature vaihawmna mun ah bomb ana sep a, mat in um a khailup in ana um hi. Tam teng mei hilou, lamkai tamtahte thagum a suong ziehun tha leh mat in ana um hi.

Nampi lunlai a baata e!

~ Pupu Zou

 

Kum 2/3 peisa a mite'n Nam ki thutuo pen, Nam khangtou leh lamkai hoi nei chi'a a'ng mitsuon uh, ei na kipahpi pawl leh thangsiet pawl, ei na tawsot leh khettum pawl i kiim i pam ah phelum pul bang in a na um uh. Tuabang minphatna pen mitphet kallou, jingkal a sel, nita a vuoi bang mei in a umta. I nampi ki vaihawmna sangpen in ma sawntheilou, nungtawl theilou in tuikhu a tuikivei ui bangin a ui dohta. Api a sawi vah leh a noute zong sawi va chipen tuni’n ei tunga tungta hi in ka mu. UZO sungah mimal du-damna zieh in nampi’n nuoina meipi bang kipal, a noute ZYO zong thu kisuote et in a zum in zum huoita, ZSP zong tuo bang ma in a min maat pha veve. ZLS ahileh tunitan in amin pen baangpha nailou hileh kilawm nalai sam.

Eyes Wide Shut! Where is Tunuphai Case heading?

This case comes to be a wonderful tale. There is no misunderstanding between the common people of Zous and Vaipheis. Yet, how the government has done over the delayed justice is amazing. Knowing that Letsei Vaiphei and his comrades are camping at the village, the DC instructed the villagers to be at there homes for photo verification without security. As expected, there was a mild collision between both the sides. Where is the supreme head of CCpur? Why the villagers were sent home without proper security? Is there any hidden agenda behind this?