Lamka khopi i fang kuolvel a, Paupu Auto a dim in a dim, gari neu leh lien lah dim boh. Mi hingte'n lam pi ki tangjou nawnlou, lamlien dung i jui suh leh lampam a dawr bawlte lah dawr sung dollou jen jen jen in mihing peina ding mun awnglou jen in a vante uh pavement lah vel ah lui dim seu sou uhi.
Guo hing ju, mihingte adingin peina ding mun awng talou, hawtui in lamlien teng tuom, mihing peina dinga kibawl footpath teng lah vah zuohna dim ahiman in mipi a dingin ki suonla bang huai zawzen hi.
Guo a'ng zuh tah tah chiengin Lamka lamlien, Tedim road phei ahileh a dan dan um vanglah, hinanleh a ka hieng, veng tuom tuom lutna lampi te ahileh lawibuol chi dinglah hi deulou, nulla amah i chi lelah hi jellou, hinanleh gari taile te dinga zong tot ngam lou phiel phiel in tui kivei dim hi. Tui in a tuplouna mun awng them khat um sun sun gari te'n jui kawi vevaw ahiman un mihingte a ding in a chance pen tawm mama hi. Gari taite'n a tui ang thekha dinguh jauna in a kil khat ah ki dinig vevaw a, hinanleh Paupu auto te mama in koima dawmlou in tui ki theparh sah va zuo uhi.
Tam bang khopi dinmun a um ihi man un, Lamka ah smart tah a kholai va chipen ham sa mama hi. Aki saipi, government lam hi in, mipi lam hitaleh lawibuol bang a lamlien lailung a tui kivei theina munte pen bang chi dan e khat a huh bing ding dan ngaisut a pha hi lou amah?
Photo courtesy: Samte Mangboi
No comments:
Post a Comment