Manipur state sunga sil jousie kichai sa dimdiam banga mi tampite'n a ngaisut lai un, BJP solkal in ni 100 sunga sepkhiet ding chi'n mission based governance hing pan ua, Congress in ama uh sepsa nuo sunzom chi'n gen-le-sah neima nan uleh patathuai tham ching mama hi. Government toh singtang mite kal a kizopna tan, singtangmite leh phaijang mite kal a kizopna tan bang dinmun a a umlai in CM Biren Singh panlahna toh zopmat in hing umkia thei a, tuami um theina ding in singtanggam mun tuomtuom ah vaiguon dangdang a'ng sai ban ah, a vaihawmpi MLAte kungah a constituency chiet ua panmun khaw chietdi'a thu apieh bangin MLA te'n amau mun chiet nasatah a a'ng ngaisah na un, mipite toh ki zopmatna nasapia bawlhoi kia ahidan muthei in um hi.
A kal lah a bandh, strike, blockade chivel a thu hing ging nanleh a kipatma in solkal in nuajui jou zing nalai ahiman in tuabang te dong tunitan in um nailou; CM pu'n agenna khat ah, 'Congress in solkal a puohlai in mi akiphin masang a a lunggul uh genpi a umlou ahiban ah, sil jousie a'ng buoi nua chia etkai a umpan' chi'n ana genkha ngei hi. Hinanleh ama solkal in ahileh tuabangte pumpel theina dingin 'Hills Leaders Day' leh 'Miyamgi Numit' chite hing pankhia ua, tuate ban ah pawlpi kiphinna nei dinga kisate apoimaw bangin amun ah deltung zing nalai uh ahiman in tunitan in Bandh/Strike/Blockade Free Manipur chi'a election lai a ana gen uh kemching thei nalai uhi.
Manipur CM Biren in Naga/Kuki helpawl silnget toh kisai Manipur gam kehna ding ahileh ama ngel zong a doudal a pang ding ahidan kichien tah in ana gen doh joutham tahi. Tu in UNC te kiphinna toh kisai kihouna peitou jel a, ni 100 tunglam ah abng hing chi ding genham sa pi ahiban ah, KNO/UPF toh kihouna zong sutzop ding thu hing ging kia panta ahiman in bildaw huai mama khat hingsua ta hi. UNCte silphut district puonkhiet a umsa toh kisai a phelkhiet kia leh Manipur buai ding, a phellou lezong buai veve ding, bang chibang a thukhenna hing bawl ding chipen phaijang mite'n zong kamka hemham sa ana ngah zing ukhat ahi. District pomkip/phelkia khellang a nasepna bangchi dan a hei khat a abawl khielleh phaijang buai jel ding chi pen koiman ki hailou hi.
In chin a tuineh kining ching tunsah ding, lampi hoita bawl ding chite ahileh election campaign lai a a slogan ukhat ahiman in tamthute toh BJP lamkai Manipur solkal mipite'n ki nuajui zing ding ahiman in, BJP solkal dinga tou meimei thei hinawnlou ahidan kilang hi.
BJP lamkai Manipur solkal in ni 100 vai ahawm sung in opposition party te'n sip tah a ana en kiukiau uh ahidan a sepkhiette uh puonkhiet a a umni'n kilang hi. Gam hoina ding leh solkal vaihawm hoisemna dinga opposition party umte'n sip khinkhian a aetlou ding dan uh ahi.
Picture Source:
https://www.northeasttoday.in/biren-releases-100-days-achievements-launches-dipr-manipur-app/
Manipur Chief Minister N. Biren Singh on July 1, 2017 released achievements of various departments under 100 days programmes along with the launching of DIPR Manipur App and Manipur State Journalists Welfare Scheme in the presence of BJP National General Secretary Ram Madhav, Ministers Th. Biswajit Singh (IPR), Nemcha Kipgen (Social Welfare), Kayisii (Tribal Affairs and Hills), Chief Secretary O. Nabakishore and Commissioner IPR, K.Radhakumar Singh at City Covention Centre, Palace Compound.
No comments:
Post a Comment