Kipumpiahna: January 4, 2017 ni'a Election Commission of India in Goa, Manipur, Punjab, Uttarakhand leh Uttar Pradesh a Legislative Assemblies election um din chi'a a phuonkhiet ni'a pat tunitan ne-le-dawn gentalou, lup hun, thaw hun chi umlou a lungsim tha-le-zung toh kitelna siengthou umna dinga pang vevaw CEO Manipur, DEO/DCs leh a nuoi a semte kipiehzawhna gelthamching isa ahi. Amaute panlahna toh kum dang banglou in election mun tamzaw ah siengthou tah a neithei ahiman in pahtathuai uh isa ahi. (Pic: Muallum Village, CCpur Dist, Manipur)
Asiengthou dia kisahkholna: Phase I ah assembly constituency 38 sunga polling station 1,487 ah vote khietna March 4 in kinei a, polling 39 meimei a repoll um chipen Manipur a dinga record break khat ahi. Tam bang hing pieng theina ding a ECI in CEO leh DEO tungtawn a apanlahna uh thupi ichi louthei sih uhi. Vote siengthou tah akhiet ahitheina dingin voter chin in photo identity card i tawi ua, tuaban ah paper a seal tat chite hinawnlou in electronic voting machine i zangta ua, zuau tellou a vote neitu in ama vote ngei akhiettheina ding chi in polling booth chin a CCTV Camera thuo in um suoh nalai hi. Tam teng ban ah booth capture a umlouna dingin security force a lomlom pi'a tawllut in um a, mobile patrolling zong koi ahi nalai hi.
SEEV tungtawn a panlahna: ECI instruction dungjui in Chief Election Commissioner of Manipur in vote nei chinteng vote a khiet teiteina ding in Systematic Voters’ Education and Electoral Participation (SVEEP) kichi program thupitah ana pankhia hi. SEEV tungtawn in Manipur pumpi ah electronic leh print media tungtawn in campaign nasatah ana bawl ua, tuami gasuo tutung voters turn out ah muthei in um hi.
Mobile Application tungtawn in: Election toh kisai thu-le-la saina lam a feltah leh paper work tawm thei tawp hina ding ngaisutna toh mobile application chi tuomtuom Sugam, Samadhan, Suvidha chite tanpha bawlkhiet in um a, tuate tungtawn in nasepna jangkhai tuon mama ahidan CEO in gen. Samadhan Apps tungtawn in complain tamtah lut a, SUVIDHA apps tungtawn in rally leh public meeting permission te bailam tah a muthei in um hi. Sugam tungtawn in meitui leh transportation zahna bailam tah a register bawl thei in um a, tuate zieh in kum dang banglou tah in nasepna jangkhai dieh mama ahidan muthei in um hi.
Code of Conduct tungtawn in: Nigang lai in rules are to be break chi lungsim nei ina tam mama uhi. HInanleh tutung in ahileh singtang kawtawng tanpha ah election code of conduct khat tah in kijui theita hi. Tam CoC zieh in election zong kum dang banglou in husa nei zezu sih nanleh michin taw kang gingen in ki um chieta vote tungthu a i sie-le-pha theina uh nasatah in khangtou ta chi i muthei kia uhi.
Sum-le-pai zah elkaina tungtawn in: Chief Election Commissioner of Manipur in election toh kisai a sum-le-pai zahna etkaina dingin pan nasatah in ana la ichi lou thei sih. Candidate khat in gari a zah thei ding ja, sum a zah thei dingja tanpha chieng deu a bikhiet in um a, a guh a sum hawmpawl um chithu za hinanleh a kheng aval a gamtatna um nawnlou hi.
Poll zaw siltung panlahna: Polling hun sung in kihauna bangma um sih nanleh vangsiet huoi tah in poll zaw ni khat ni in Lamjang khuo ah kitha sawmna piengkha hi. Vangsiet huai ichi lou thei sih. Hinanleh DEO/DC leh sepai lam uliante'n a hun tah a pah alah zieh un public conflict umthei ding din mun a um hinanlei thawveng tah a enkol in um thei hi.
Tam bang a a hitheina lamchin a panlahna zieh in Manipur pumpi , a dieh in Churachandpur district sung ah kitelna siengthou i neithei ta uhi. Tutung kitelna pah lakha michin tungah patathuai isah thu igen ahi.
No comments:
Post a Comment