11th Manipur Legislative Assembly election 2017 phase 1 zaw in umta, phase 2 ahileh March 8 chiengin um kia ding, hinanleh phase 1 et in Election Commission of India panlahna leh a deithusam tangtung in a mu na diai?
Tutung Churachandpur district leh Manipur phaijang a kitelna peaceful leh siengthou chi thusuo mite ban ah CEO Manipur apat jah in um. Nangma mimal etdan in bang chi'n na suongtua eile?
Political party khen khat leh social organisation khen khat in Manipur dinmun et in election bawllou hoizaw ding achi lai un Chief Election Commissioner of India in dan-le-thupia khautah toh Election Code of Conduct puong pum in, sum zah thei dingtan, campaign bawl didan tanpha kichien tah in hing suo a, tuomi in nasatah in a bouruak enkai jou mama in kilang ma nanleh, Manipur ah vang dan-le-thupieh kichite juilou di, a thei a theithaw di chidan hileh kilawm veve.
Photo Electoral Roll: Vote capture leh mi min a vote khietsah etkaina dingin voter a lakh a simte electoral roll identity card toh sum-le-pai tampi seng in ECI in election masa apat hing bawl khia hi. Polling officer in vote neitu dihtah a lim toh entuo zet a vote khietna um thei ding hina jenpi, tuachi banglou lam daih zong ana um thei jel veve. Tuaban ah, voter identity card a lim chienglou, numei min a pasal lim tuong, pasal min a numei lim tuong chivel zong bei tuonlou, polling officer in tuate khautah a enkai ding hinajenpi, lim kibang lou leh min kibang lou a vote khethei pawl zong bei tuonlou. Presiding officer a toute mawpuohna hileh kilawm awmtah, bang pen a preside ata diai chibang ngaisut kham ching hi.
EVM toh kisai: Sum a crore a crore a sim lutna Electronic Voting Machine in vote simlam nasatah in changkang sah a, gam tuomtuom in zong hoisa in India apat import ana bawlta uhi. Manipur singtang tawnglam tan a zah in umta, changkang huai mama khat ahi. Tami zieh in result zong kin tahtah a puongthei in hing umta hi. Manipur singtanggam ah ahileh electronic savy kitam sim mama adiai mah, mun khat meimei meh thei dia bawl thei zong ki tasam tuonlou in ki um hi.
Presiding Officer record: Presiding officer mawpuohna ahileh EVM khupsit masang a amun mama a Form 17A dungjui a vote kikhe ja, percentage chite tuot a PO in record hoita a koi ding chi ahi. Hinanleh tutung in bang achi diai vang report kimu naisih nanleh 2012 election lai in amun a bawllou in EVM submitna ding mun a bawl pawl ana um hi. Tuabang a tutung a zong a um leh a data report uh a muonhuoi na diai chi bang ngeisut khamching mama hi.
Poll Observers: Returning officer kunga sim umdan bangkim report bawl dingin Poll observer koi in polling station chin ah koi in um hi. Polling day ni'a visit sheet tungtawn a a sil report te apat election commission in poll assessment a bawl ding chi ahi. Tam pen mun tuomtuom ah bawl dan chi tuomtuom um hi. Tami silchin pen first hand information ding hinajenpi election masa in mun khenkhat ah amun a kam a report bawlpawl zong ana um ahiman in, tutung zong tuobang um da dingin ginlel huoi lou hi.
Akhupsitna: Tam bang a sum-le-pai, tha-le-zung, hun-le-nite seng a ahoi theitawp ding deina toh mipil misiem te'n lungsim seng a ana bawl uh, ei gam ah ahi ding bang tah a kiang theilou, mawpuohna neite'n zong a mawpuohna uh ahiding bang a a sem suo lou leh report a pieh ding bang tah ua pelou ahidan uh report khenkhat apat muthei in um nalai hi. Tam bang a free and fair election umtheina ding a misiemte'n ana sepna uh, a jal jouthei nai mamalou ihi upen lungkhawm huai mama hi. Gua leh solutape toh EVM kituom pawl. Vote neite su linglau a vote khelou a presiding officer mi nuosawl pawl chivel toh election isai nalai pen Free & Fair jou tahtah nailou ahi chi nuom ihi.
No comments:
Post a Comment