~ T. Zamlunmang Zou
Be strong and very courageous. Be careful to obey all the law my servant Moses gave you; do not turn from it to the right or to the left, that you may be successful wherever you go. ~ Joshua 1:1-11
JOSHUA TANCHIN TOMKIM
Mosi shi nuo in Israelte mapuitu leh gam chiem gam Canaan a Israel nam 12 te kal a gam hawm leh vaihawmtu in pang hi. Ama ahileh Ephriam namte lah a khat ahi. A min dihtah ahileh Hoshea 'Hundamtu' china ahi. Hinanleh Mosi toh ang kijui uapat in Mosi in Joshua 'Pasian in hundam' chi'n phuosah hi. (Numbers 13:16). Izip gam a Israelte saltang a aum lai un pieng hi.
Mosi in Canaan gam enkhe dia Israel nam 12 a sawlte lah ah Ephriam namte ai-awh in ama kuon hi. Mosi toh akithuo chillai un Joshua ahileh kum 40 vel chingta hi. A pien kum leh shi kum pen tunitan in a dihtah thei chet hisih ma naleh Laisiengthou khangthu a sutdoh ahi dan in 1450–1370 BC kikal sung teng hidan in tuot uhi. Kum 110 a chin in shi hi. (Joshua 4:29).
Shia Muslim te laibu Quran (5:22-26) sung a 5th Surah achina vuah zong Joshua leh Caleb min gentel kha uhi. Laisiengthou a Pasian akichina teng ah Allah chi'n minvaw uhi.
Egypt apat a’ng pawt uh, Sinai muol atun kuon un Amalek (Amalakites) te’n Israelte Rephidim mun ah ana lamtan in ana dou uhi. Tua hunlai in Joshua ahileh kum 40 ding vel mi ahita hi. Tuachi’n Mosi in Amalek mite dou a lamkai ding in Joshua mi lakh 6 valte lah apat teng doh in, Amalek mite dou di’n I lah apat mi hunkhop teng doh in chi’n thu pie hi. Tulai hileh Military Field Commander ichite hi dingin gingtat um hi.
REPHIDIM KIDOUNA
Mosi gan bang in Joshua in Amalek mite dou a, tua chilai in muoldawn ah Mosi ahileh a khut ja in ding hi. A khut a ja zaw laisie Israel te’n gal naw ua, hinanleh a khat a kiet suh chiengin a galte un lenaw jel uhi. Mosi in a khut ja tawntung joulou ahiman in Aron leh Hur in suong thuop jen in Mosi khut dopkang pieh uhi. Tua chi’n nikum kuon in Israelte’n Amalek te jou khong khong uhi. (Exodus 17:8-13)
Tua zaw apat Joshua leh Mosi pen kithuo den in, Sinai muol tung a Mosi in dan 10 piehte alahna mun a zong Joshuo va pang hi.
CANAAN GAM DAP ETNA
Mosi in Canaan gam dap et di’a Israel nam 12te a sawllai in Ephriam nam apat Joshua leh Judah nam apat Caleb te zong tel uhi. Nam 10 te’n Canaan gam a dapmu dan uh gimnei tah a agan lai un Joshua leh Caleb te’n “I tunga Pasian lungdam na pou leh bawngnawi leh khuoiju luonna gam hing tun na ding hi” chi’n dawng uhi. (Numbers 14:8-9)
MOSI SULNUO JUI DIA TENDOH IN UM
Pasian in Mosi kungah, “Hagau a dim Nun tapa Joshua pui in len a tung a khup ngam in Siempu Aleazer mai ah Israelte lamkai ding in puong in, tua chi’n Siempu Eleazer in nam detna a nei ding hi” chi’n thu pie hi.
Pasian in Mosi thu a pieh dungjui in Israel mipite mai ah bawl hi. (Numbers 27:18-23).
SHITTIM GIEHPHUOL
Jordan apat mile 7 vel a gamla Shittim gam Moab phaijang ah Israelte’n giehphuol khaw ua, tuanah ha tampi tham den uhi. (Deuteronomy 34:8). Tam mun ahileh Israelte’n Jordan lui a galkai masang ua a gihphuol khawna nukhieh pen uh ahita hi.
Shittim a Israelte gamtatna
1. Baalam thufui in Moab gam leh Midia gam numeite toh kihal in ji leh pasal in ki nei uhi. (Numbers 25:1-9)
2. Moab gam bup kisimpina ah simtel in um uhi (Numbers 26:1-4)
3. Mosi thuneina Joshua khut a koi in um. (Numbers 27:18-23)
4. Deuteronomy sung a ki giel tangpi Israelte khangthu leh Pasian dante Mosi in a simkhiet Israel mite’n ja pan uhi.
5. A luolou ding, gam chime gam, khuoiju leh bawngnawi luonna gam en ding in Pisgah muol ah Mosi kal a kum 120 a chin in tam gam ah shi denta hi (Deuteronomy 34:1-4)
6. Moab gam pam ah Mosi vui in um hi. (Deuteronomy 34:5-8)
JAUNA LEH MAWPUOHNA TOH KIDIM
Mosi in ahinpi lai in Joshua ahileh lungkhawm vate lou in um hi, hinanleh Mosi a’ng bep in Joshua ahileh ama tang a laikai ahidan ang kimudoh a, a liengkou a mi tazapi ki nga ahilam a’ng phaw khiet tah in jauna leh mawpuohna toh akidim den hi.
Jauna in na dim kha tai? Na liengkou a ki nga mawpuohna letdan na thei kha tai, ahisih leh tuate bang chia puoh thei hi dign ahiei chi na ngai sun kha ngei mawng ei? Tua hunlai in Joshua in zong tam tengpi ana tuoh ding in ka ngaisun hi.
NA KENG IN A TOTKHAHNA CHIN TENG
Joshua 1:3 na Pasian thuchiem pen ka lungsim a tham zing ahiman in ke’n zong ka mimal thupi di’n “A peina mun chin ah, na keng khap nuosie in ~ set your footprints wherever you go” chi kana zang zing hi. Joshua 1:3 na in a gen “Mosi kunga kana chime bang in, na keng in a totphahna tan tan ka hing pe ding hi” chi ahi.
Pasian in Mosi kunga ana kam chime ahileh Deuteronomy 11:24 “Na keng a na totkhahna tan tan nag am ahi ding a, Sehnel gam gaw apat Lebanon tan, Euphrates tuipi apat tumlam gam tuipi tan dong in nag am kelet ahi ding hi” ana chi hi.
Tam gam chiem ahileh Pasian in Abram kunga ana bawl ahi ta peh hi. Pasian in Abram kungah “Na gam, na pa inn leh na mite nuosie in, gam kang pieh ding kang ensah ding hi” ana chi hi (Genesis 12:1). “Na hah na suonte tam gamte ka pia hi. Egypt apat tui Euphrates tuipi dong, Kenites, Kenizzites, Kadmonites, Hittites, Perizzites, Rephaites, Amorites, Canaanites, Girgashites leh Jebusites mite luona gam teng ahi ding hi” chi’n ana ensah hi. (Genesis 15:18-21)
Pasian kam chime tangtunna di’a I toumun apat genthaw hi theilou chi ensah hi, eima kipat doh ngai, amun va tot vate ngai, ei ma mimal va kuon a va sep ngai ahidan en sah hi.
Joshua khang in tamna Pasian in a chiem gamteng luo suo jou lou uhi, hinanleh Leeng David leh Solomon hun in luosuo pan uhi.
Hagau thu lam ah en talei, khovel mun chin ah pei unlen ka thu vagen un, koi zong kei hing gingta te baptisma pieh uh chi ahi. Gingloute pen gingtute tenna mun ding a siem a teng ahiman un I neisa a teng mi hing nanahna pen va pei a Pasian gam va suosah chitoh teka thei hileh kilawm kasa hi. Ginglou khat gingte iva suo thei leh Pasian gam chiem luo kihimai hi. Khovel a ka thu akija masang, chinvom chie khat zong amang sih ding chi lah ahi ngal a!
PASIAN IN NUOSIE NGEILOU, KILEPSAN NGEI LOU
Laisiengthou sunga thuchiem lah a manpha pen hi ding in ka ngaisun hi. “Kang taisan ngeisih ding a, zong kang kilepsan sih ding hi” (Joshua 1:5), Deuteronomy 31:6 leh Hebrews 13:5 azong mu thei hi.
HAT INLEN HANGSAN IN
Pasian in Joshua kung ah “A pu apa te uh kunga kana chiemsa gam chiem a tam mipite pui ding nahi man in hat inlen hangsan in” chi’n gen hi (Joshua 1:5-6).
Ka thu chiemte ah ginna nei in, muongla sin, na ginna ah hat inlen hangsan in achina toh kibang kasa hi.
Maban a sonna ding ua a sil tuo dingte uh I ngaisut leh Pasian a ginna neilou mite di’n kipat ngam huailou ma ding hi. Jordan tuipi ki nawng vajuo kan san a, a gallam a um chi leh jaat teng teng toh kidou a agam uh lasah ding chi ahi mawh hi.
GOD'S SUCCESS FORMULA
So success is found in God only, not in a success formula divorced from God.
The world says...
God says...
Trust in yourself Trust in me. I will never leave you.... (1:5)
Boldly strive for your dream Be strong and very courageous and step out to possess the land, because I will be with you (1:9)
Think good thoughts, positive thoughts Meditate on God's word (1:8a)
Then you will be prosperous and successful Then you will be prosperous and successful (1:8b)
"Trust in the LORD with all your heart and lean not on your own understanding; in all your ways acknowledge him, and he will make your paths straight." (Proverbs 3:5-6)
A TOM KIM IN
Pasian in kinepna chiem
Moses my servant is dead. Now then, you and all these people, get ready to cross the Jordan River into the land I am about to give to them—to the Israelites.
Pasian in Lawchinna chiem
“I will give you every place where you set your foot, as I promised Moses.”
Pasian in guolzawna chiem
Joshua 1:5 says “No one will be able to stand up against you all the days of your life”.
Pasian in A umpina chiem
“As I was with Moses, so I will be with you; I will never leave you nor forsake you.”
Pasian in thahatna chiem
”Be strong and courageous, because you will lead these people to inherit the land I swore to their forefathers to give them. Be strong and very courageous.”
Pasian in A mapuina chiem
“Be careful to obey all the law my servant Moses gave you; do not turn from it to the right or to the left, that you may be successful wherever you go. Do not let this Book of the Law depart from your mouth; meditate on it day and night, so that you may be careful to do everything written in it. Then you will be prosperous and successful.”
No comments:
Post a Comment