Tuni, January 21, 2009 sunlai office sepna boss pa hing kailou, free deu a ka umlai un, tawlet ah va daadoh ta ing e. Zuailah! Nisa em sing seng, huisi laang hieu hieu leh lummei kai ziiziei ten ka sinlai duong hing kuoi in ka lung a hing leng vung vung hi.
Ka mitha in innlam a neulai nite aban ban in hing kilang diindeen hi. Lawm-le-guol, tonpite toh chimlou a houlung lai nite lungsim mitha a lang in ka ngaitha a hing suo tun tun hi.
Tuhun in innlam ah lawm leh guolte toh bawl ding um lou, pawlta deu mai in kholai dung, mun awng leh nisa awi theina munte ah ki tou jel in houlim tui thei mama hi. Sep ding bawl ding lunga gelpha sese lou a kholai phaijang lah vel a hun zah lai nite bang ka lungsim ah ahing tha deu deu ta mai hi. Aw, tuo hun uom kana zahte ngai huoi hina mai jen e maw chin ka lung sim ah ka ngaisut vung vung hi.
Tuobang a ka ngaisut lai in ka it mama, ka lawihoite, aban ban in ka lungsung ah hing kilang diinden ua, amelte uh kamu chieng mama. Bang chi a zong kingaisut ngeilou hinan le uh, tunia ta bang a ang kilah na ngaisut leh lamdang kasah na toh lung hel na toh kaki dim hi.
Tam bang thu leh hun paisate ngaisut a ka um um lai in tha khat in ka office kot uh hing ging duuuuuuuuuuuup in, ka lung sim gel teng ala mang hi. Koi a hei chia lungthah pien sim a ka et phei leh. Ka Sir pa uh ana hi nalai. Ka lungsim a are salah! chi in ka touna mun ah ka tou kia ta hi.
No comments:
Post a Comment