Manipur - December leh bandh

Christmas hing nai hiei hiei, bandh thawm ging hing kipan kia ta jel! Kum bangja e khat peisa apat Awlha (December) ha sung kitatlou kei a bandh um zing toh kisai ngaidan tamlou kup nuom ka nei.

Mi chin, singtang mi, adieh in Christian te’n kum-le-kum kilutuo a I galdot zing uh, awllen ha December pen kum bangja vel peisa apat Manipur ah bandh ziehin gampam a um, nasem leh sangnaupangte’n hamsatna tampi ana tuota uhi.

Bandh / Blockade apat i lem lawh bang?

~ T. Zamlunmang Zou, Delhi

Manipur Legislative Assembly Session ah Chief Minister pu’n tam bang in Bandh toh kisai Inpi theisahna bawl hi. Manipur ah kum 15 (1995-2010) sungin bandh leh blackade 628 vei um a, tuate zieh in Manipur state in Rs 2828 crore to Rs 3000 tah suplaw hi. State pumpi a bandh chiengin ni khat in Rs 5 - 6 crore ki suplaw a, National Highway te a bandh chiengin ni khat in Rs. Rs 2 to 3 crore ki mang chi hi. A leh bang i lem lawh ua le? I ngette uh a lawching jelna amah?

Kum 1990 lai vel in Indian Danbu’n ang phalsah dungjui in Manipur tanggam a 6th Schedule koi ding deina in bandh chivel ina bawl sam uhi. Hinanleh ‘local adjustments and amendments’ zaw chie koi ding chi’n ang na thoidam ua, kum 20 jou in MDC ang gingkia pan hi. Tuni’n ANSAm ten kum 20 peisa a ina au zezuna uh hing gingsah kia ua, lampi dang umlou bangin bandh ma toh hing kipan kia lenlon uhi.