Ki itloute ki it henlen, ki ngailoute kingaina Silver Jubilee hita hen – Singngat MLA
Imphal, Nov. 10: “Silhoi bawl chimta sih vai” chi thupi a nei in Zou Youth Organsation, Imphal block in akiphu apat kum 25 chinna Silver Jubilee tuni'n Tribal Research Institute Complex, Chingmeirong, Imphal ah thupitah leh lawching tah meiin zang uhi. Tam hun ah ZYO Imphal Block Founder Chairman Pu Zamzagin hing beisanta ahina toh ZYO IB khangthu a di'a akipiahzawna chiemte kham ching Founder Secretary Upa Dr. Dongkhanglal khu Jubilee Pa chi'a phuonkhiet in um a, pahtawina sangpen pieh in um hi.
Tam vaiguon ahileh Singngat MLA Pu Ginsuanhau, Chairman MANIREDA, Pu Tongzapau, Deputy Commandant, 3rd IRB, Pu Lunkhomang, Special Contractor leh Pu Ginkhankhup, President ZYO GHQ te'n chief guest, guest of honour, functional president leh chieft host hinatoh a uap ban uah UZO Ghq President Pu Chinlunthang, ZSP Ghq President Pu Nengkhosoi leh ZYO GHQ Executive member teng in zong uap uhi.
Rev. Fr. Mark Thangkhan-ai in Pasian kunga hun latna nei in, Zou Presbyterian Youth Fellowship, Imphal lamkai in Pu Kaisuanlian in ZYO Imphal Block lapi dinga abawltha lihleh mipi peikhawm teng in sa duomduom uhi. Tuachi'n ZYO IB Vice President Pu Thangsianbiak in vaidawn thugenna leh Imphal a ZYO member phamsate suunna ah lamkai a, daidiidee in minute 2 suunna nei uhi. Mipi toutoh kituoh in ZYO IB President Tv. Tungmuanthang in ZYO sep-le-bawl toh kisai keynote address feltah leh tomkim in nei hi.
SJ Committee Chairman Pu Khaisuanmung Lianzaw in Jubilee Pa, Upa Dr. Dongkhanlal nousietna leh pahtawina thupitah anei zaw in, Jubilee Pa apat thugenna tomkim ngaikhie uhi. Jubilee Pa'n athugenna ah, founder president Pu Zamzagin in ana um nawnlou san puonat huai asahthu gen a, ama dam nalai henla hileh ama pen Jubilee Pa hiding ahidan puong khie hi. Imphal a ana umsa khutzung hiakham ahilai ua, ana ki pawl dante uh, nopni dani atunni'a ana ki deltua dante uh geldoh kia kia ahidan leh, ZYO lamkai hina a a nop sanga a hahsa ngen leh hawmthawnna ngen a ana lamkai tou uh ahidan tomkim in genna nei hi. Jubilee Pa a toutoh kiton in Chief Guest leh zingun dangteng stage a hing kaltou in Siver Jubilee suong honna nei a, tuachi'n Rev. Ph. Nangkhanlal in alatna nei a, tuachi'n PYF Imphal te'n siemtah leh kilawm tah mei in Jubilee lapawl sahna nei ua, mipi kipah in taisah mama uhi. Tuazaw in ZYO Imphal Block ana kiphunia ana telkha member tengteng mi 59te kungah memento piehna Silver Jubilee Committee in nei ua, tuazaw in Upa Lianchinpau, founder member apat in register a gellut a ana um khalou ZYO khangthu sutna ngeinuom huoitah mei ngaikhietna nei uhi. Tuana Upa Lianchinpau in a genna ah Imphal a Zo veng (Zomi Villa) khat nei ding a pan analah dan uleh ZYO phukhietna dinga ana kikup khawm dante uh, tua hunlai a MLA phamsa Pu Thangkhanlal lawi toh ana tai lele dante uh sutna nei a, navahuai leh pilhuai thu tampi ngaikhie uhi.
Chief Host Pu Ginkhankhup, President ZYO Ghq chi hinanleh tahsa damtheilouna zieh in Vice President Pu Nengzathang in amun lua in Imphal ZYO ahat leh ZYO pumpi minphatna hipha ahiban ah block teng lah a muonhuai leh kithng atpi block ahidan gentel in ZYO nasep leh silbawlte mipite'n thuop dingin chielna zong bawl hi.
UZO Ghq President Pu Chinlunthang in agenna ah a gingtat khel a vaiguon piching sa ahidan gen a, lamkai luite a pahtawi dan uleh a tawisang dante uh amuchieng in ZYO lamkaite pahtatna sangpen pia hi. Jubilee thupi a kizang silhoi bawl chimta sihvai chitoh kisai houlimna nei a, ZYO spirit kichi bang china ahiai chi’n houlimna nei a, ZYO spirit khu philanthropy idea leh action kigawm ahia, mimal ahiai, society panpina ding toh ameet umlou a kipumpiana ahidan gen hi. ZYO kivaihawmna leh ki puihuaidan zong kitup deudeuta ahidan leh nam nasepna UZO, ZYO leh ZSP lah a soisahha asah mama ahileh ZYO ahidan gen a, aziah ahileh kipumpiahna kitasap ziah ahi chi’n gen hi. Ama zong Imphal ZYO ana kihalkha leh defunct a aum hunlai a revival bawlte lah a ana pangkha ahidan zong gen hi. ZYO hi in pawlpi dang hitaleh ahatna ding leh hatlouna ding zong lamkai tunga nasatah a kinga ahidan gen a, mipi’n a’ng juitheina ding a lamkai siem apoimaw dan gen hi. ZYO a dinga pipumpiehna leh a meet lametlou a nasep lungsim nei khu a poimaw pen ahidan gen a, YMA khu I ettoh ding un hoikasa hi chi’n gen hi.
Chief Guest Pu Ginsuanhau MLA, Chairman MANIREDA in ZYO Imphal block in zingun dinga a chielna tungua kipah ahidan gen in ZYO lamkai luite leh tu a lamkaite pahtathuai asah dan toh hunpatna gen hi. A hun bang chet a vaiguon pantheina ZYO te patat huai asahthu gen hi. Tuazaw in mipi peiteng kungah Jubilee Ngaidamna chi in Rs 5000 nuailam kibateng ngaidamna etsahna dingin khat leh khat ki chibaibuhna MLApu lamkaina toh mipite kibuh in um hi. MLA pu’n Pankhawm Hatna ahi chi thupi zang in houlimna nei hi. ZYO ichi a lamkaite meimei I gal-etthaw ua ahileh bangma tan kitung joulou ding, I pankhawm semsem uh poimaw ahi chi’n mipite hanthawn hi. UZO, ZYO leh ZSP te khu lungthu toh kibang chet ahi, tam teng a pangkhawm ngai a, mipite’n I nungthuop uh poimaw hi. Hinanleh tuni’a dahuai kasha mama khat ahileh ipankhawm siemlou zieh un ZYO, ZSP te’n apoimaw mama hall hi in office chite kinei nailou ahi.
Imphal khopi pen Manipur a dinga mun poimaw mama ahi na ah, Imphal block ZYO hi in ZSP hitaleh I buldet mama uh ngai ahi chin gen a, damlou natna chituomtuom, mun tuom a shina tuoh chinteng, sisan pieh poimaw teng khu Imphal ZYO te’n toh kisaikha zing ihi uhi. Tua ahiman in ZYO Imphal pen I hat mama uh ngai ahi chi’n gen hi. Nam a ding ahipou leh I pangkhawm uh ngai, electoral politics pen kum 5 meimei ahi, I nam pen kumtawn a ding ahiman in I nam nna ahileh I pankhawm uh poimaw ahi chi’n gen hi. I nampi khu politics toh kitohbuai sengta, I namsil ding ahileh politics a na mipa hi in hisihleh manghil inla, I Nam a ading in dingkhawm lei bang ding a kihatlou ding ahiai chi’n zong gen hi. Silver Jubilee ahitoh kituoh in hun peisa a iki theisiem louna te gengen nawnlou in, nahsawl se vai in, I lungsim khelta vai chi’n mipite kungah ngetna leh chielna bawl hi. Zou mipite kei tunga lungkim lou zong umkha va uteh, kei zong mipi teng tungah ka lungkim louna zong umkha va, Zou thupil in tawte tangmai bangin maita hen chi ahibang in thuluite maisah tavai chi’n ngetna nawl hi. Tuaban ah sakhuo thu a zong I nampi kamsuonna khu kidaina na a umlou ding adeithu zong gen hi. Moreh block UZO te’n Block office building neijouta, kitua tah a ipan khawm leh Shillong ZYO in bawn hanmual I neizaw uleh bang dinga Imphal ZYO in mun-le-muol, gam leitang neijoulou ding ihi uai, pangkhawm siem vai in, mailam hun a I dream ding uh Imphal mun a mun-le-mual I nei ding uh ahi chi’n hanthawn thu gen hi. ZYO Moreh in Ambulance neita, ZYO Ghq in neinailou, Imphal in zong nei nailou, I pankhawm siem ua ahileh Imphal in zong I nei thei uh ahi. Khat leh khat kidemdem lou a, ikipahtawi siem ua ahileh I nei loutantan kiphal ahi chi’n gen hi. I unpi ua semkhawm, bawlkhawm leh pangkhawm chiet dingin chielna bawl hi.
Vaiguon enkaitu Pu Kaisuanlian leh comperete fel mama ua, thugenna leh lasahna kizom ziizia ahiman in mipite mittai sah mama ua, hun sawtpi hinanleh mipite a touna mun uah tou khip khep ua, koima pawtle zezu lou hi.
Evangelical Lutheran Women Association, Imphal in lapawl sa in Rev. PC Manga in hunkha thumna toh hun khahna bawl ua, tuazaw in mipi peikhawm teng in Jubilee annkuong imna thupitah nei uhi.
Tam vaiguon hunsung in Zogam a lasah siem minthang Imphal pulang apat Jems Arjun, Thangboi Zou @ Paupu, Paukhanlian (Pakeng Laam) leh Dodong ta ban ah local artists Thangmuanlian, Hauminlun, Joseph Doulunlal leh Muannu tea pat la ngainuom huai tahtah ngaikhiet in um hi.
-----------------
ZYO IMPHAL BLOCK THUSIM TOMKIM
- Thangminlian, Secretary, ZYO I/B
ZYO mi-le-sa, tam lai simkha jousie tutan chieng hing puitung I biah Pasian min in Jubilee chibai kahing bu hi. Silver Jubilee kum a Secretary a kapankha ban ah, ZYO thusim gielty a kapankha pen hampha kakisa a, tambang deisahna hing pia Zou mipite kungah nuomthu kahing tun masa ahi. Tam thusim ahileh a tom theitawp dinga gel ahiman in a diin adeen a kigielkim lou ahi chi ama sa in kahing theisah ahi. Laimal zahdan dihlou leh min leh khuo geldan dihlou a um leh simtute’n nang theisiem uh kahing ngen masa ahi.
Kum 1990 laivel apat in Phaipi sunga ana khawsa Zosuon umte’n kipawlna pawlpi khat siemkhiet poimaw asah dan uh houlimnate ah nagen jel vua, hunkhop tahpi kiumta ahicia Nopni/Dani a kipawlkhawm ding, kalsuon khawm ding, kengkhat a ding khawm theina ding in pipun khawmna pawlpi phamo hihai chi’n nakikum tun zing uhi. Hun hingpei jel in Kum 1993 October 3 ni’n tua hunlai a Singngat MLA Pu Thangkhanlal in Phaipi sung a Zou umte nahan khawm in ama inn (MLA Pu) Sanjengthong ah amasapen ding in Phaipi sung a Zou umte’n kihou khomna ananei uhi. Tuami Hun ah Mi-59 te kisutuo vua, maban a Zouta Nopni/Dani a pankhawm dingdan ana kikum uhi. Tam hun ah hun uhpi(chair) in Phamsa Pu Zamzagin ana pang a, lai aat in Dr Dongkhanlal ana pang hi. Zota maban a Nopni/Dani a kipawl dingdante sawttah akikup khawm nua un kipawl khawmna min ding in Zomi Youth Organisation (ZYO) Imphal Branch hisah ding in ana kithukim uhi. Tam akithukim na uh dungjui in Lamkai ding kitelna ana neivua tam anei ateng khu Zomi Youth Organisation (ZYO) Imphal Branch, Lamkai ding a telching in ana um uhi.
President - Pu Zamzagin
Vice President - Pu Lianpu
Secretary - Pu Dr Dongkhanlal
Joint Secretary - Pu Joseph Khamkhenmang
Finance Secretary - Pu MK John
Treasure - Pu Sub. Ginkhojam Tungnung
Publicity Wing:
Area Wise Representative
1. Langol - Pu Pumsuankham
2. Zomi Villa & Canan Veng - (i) Pu Mangkhankhup
(ii) Pu Suankhanthang
3. Lamphel - (i) Pu Henzachin (ii) Pu Thangkhongam
4. Haokip Veng - (i) Pu Tongthang (ii) Pu Kapzagin
5. Old Lambulane - Pu Langchinkhup
6. Tribal Colony - Gouminthang
5. New Lambulane - Ginkap
ZYO Imphal Branch kiphu ni’a ana peikhawm Zousuonte:
1. Lumkholet Manlun, ZV
2. Ginkhozam Tungnung, NL
3. Khaiminthang Mantuang, TC
4. Soizalam Taithul, PV
5. Kapkhansuan Lianzaw, LG
6. T.K. Thanga Phiemphu, PP
7. Thongthang Manlun, NGV
8. Thongkhanhao Tungnung, LP
9. John Mangkhankhup Taithul, ZV
10. Paul Tungdim, ZV
11. Suankhanthang Samte, ZV
12. J.Manglianthang Tungdim, ZV
13. Thanglamlian Lianzaw Zou, BT
14. Pauchinkhup Tungnung, ZV
15. Lalboi Simte, Lamphelpat
16. Lianchinpao Lianzaw, TC
17. Semminthang Tungnung, LG
18. Langkhanthang Tungnung
19. Pumkhanpao Simte, HV
20. Zamkhongam Lhungdim, CA
21. Langchinlian Mantuang, ZV
22. Khupminthang Phiemphu, PV
23. Kapzalun Taitom, Imphal
24. Semlam Manlun, NL
25. Thangkholun Kholun, Imphal
26. Henzachin Milun, NGV
27. Thangkhankhup Mantuang, ZV
28. M. K. John, Tribal Colony
29. Chungthang Manchong, ZV
30. Paokhothang Manlun, Molkon
31. Lalpi Tungnung, Lamphel
32. Langchinkhup Kholon, Imphal
33. Lunkho Tungdim, Zomi Villa
34. A. Mamang Taithul, Zomi Villa
35. Mangkhosei Taithul, Lamphel
36. Dongkholian Manlun, -do-
37. Khamzagou Lianzaw, NGV
38. Khaimeng Phiemphu, Paite veng
39. Khupchinthang Taithul
40. Haokhozam Samte, Lamphel
41. Zamkholet Mate, Imphal
42. Kaihang Samte
43. Chinkhozam Munluo, Zomi villa
44. Lenpu Manlun
45. Pumsuankham Manlun, Langol
46. Tongzathang Taithul, OL
47. Philip T. Thanglianmang, Langol
48. Letkhosat Manlun, Canaan veng
49. Lutzaneh Manlun, TC
50. Ngamthang Munluo, OL
51. Joseph T. Khamkhenmang, LG
52. Nengzalun Tungdim, HV
53. Kamzakhai Suantah, ZV
54. Kapzagin Innpi, Tribal Colony
55. Langchinkhup Taithul, DV
56. Thangkhanlal Manlun MLA
57. Dr. Dongkhanlal Taithul, MP
58. Zamzagin Munluo, TC
59. Zamkhosoi Phiamphu, ZV
Zomi Youth Organisation (ZYO) Imphal Branch lamkai ding atel jou nua un, United Zomi Organisation (UZO) Imphal Branch puaphat ding thu genkhawmna neivua, UZO Imphal Branch zong puophat dingin lemsa chietvua, Tuami ahidungjui in UZO Imphal Branch Lamkai ding Telna neisuo ngal uhi. UZO Imphal Branch lamkai dingin tam anei ate teldoh uhi.
President - Pu Manglianthang
Vice President - Pu Zamkhosoi
Secretary - Pu Letkhosei
Joint Secretary - Pu Lunkhohao
Fiance Secretary - Pu Pumsuankham
Treasure - Pu Ngamthang
Commander - Pu Langchinlian
Advisor - a. Pu Sub.Ginkhojam Tungnung
b. Pu Lunkholet
c. Pu Kamzakhai
United Zomi Organisation (UZO) Imphal Branch lamkai ding ateljou un kithuja mat nading phamo ahichi genkhawm kiavua, hun sawtpi akikup khawm nua un, Pu Thangkhanlal MLA in anabawl “Zogam Thusuo” pen bawltha kiading in lemsa uhi. Tam Zogam Thusuo pen hakhat a nivei suadoh ding in lemsa uhi. Tualeh asut manding mimal kiphalna banga sutding in lemsa vua, tam anei ate’n ani mama in Zogam Thusuo sutna pang ding in phuong uhi.
Pu Thangkhanlal MLA - 2vei Sut Pu Philip Thanglianmang AE - 2vei Sut
Pu Lunkhohao Clerk SBI - 1vei Sut Pu Manglianthang - 2vei Sut
Pu Lianpu - 1vei Sut Pu Thangkhongam - 1vei Sut
Pu Thongkhanthang - 1vei Sut Pu Joseph Khamkhenmang - 1vei Sut
Pu Tongthang - 2vei Sut Pu Khamthong - 2vei Sut
Pu Dr Dongkhanlal - 1vei Sut Pu Zamzagin - 1vei Sut
United Zomi Organisation (UZO) Imphal Branch leh Zomi Youth Organisation (ZYO) Imphal Branch office mun ding in Pu Chinkhojam Zomi Villa Chief inn khu UZO leh ZYO Imphal Branch Office ding in namdetna ana nei uhi.
KUM 1996:
April 29, 1996 ni’n General Meeting cum Election ana nei uhi. Tam kitelna ah Vaipo thading Telna neivua, Tam anei ateng Khu 1996-1998 tan vaipaw ding a telching ahi uhi.
President - Pu Zamzagin Munluo
Vice President - Pu Mangchinlian
Secretary - Pu Dr Dongkhanlal
Joint Secretary - Pu Haokholam
Finance Secretary - Pu T.John Lunkhohao
Treasure - Pi Chingmeng
Information Secretary - Tv M Jangkholal
October 21, 1996 in ZYO Imphal Branch in toukhawmna neivua, zanjat poimawte etthana neivua, tam anei a teng in van poimawte atua ding un phut leh guon ahi uhi.
Pu Hangkhanpau MLA - Tarpaulin 2(Ni)
Pu Dr Dongkhanlal - Khenchi
Pu Joseph Khamkhenmang - Jomphol
Pu T Tualzathang - Danbel (supply bel)
Pu T Manglianthang - Khenchi
Pu T Haokholam - Tudal
Pu T John Lunkhohao - Tudal
Pu T Mamang - Suadul
Pu M Zamzagin - Tudal
Pu T Khamkhopao - Suadul
Pu Thangkhanlal - Suadul
Pu S Thangkhenkhup - Tudal
Nu Mengnu - Tray
Pu Mangkhosei - Ketli(5liters)
Pi Vungngainiang - Tray
Pu Michael Ginzasuan - Danbel
Pu Langchinkhup - Steel Mug
Pi Noukhanniang - Ketli(10 liters)
Pu TN Haokip - Tarpaulin (Khat)
ZYO Office Bearer 1998-1999
President - Pu Zamzagin
Vice President - Pu Langchinlian
Secretary - Pu Dr Dongkhanlal
Joint Secretary - Pu MK John
Finance Secretary - Pu Haokholam
Treasurer - Pi Chingmeng-
Infn. & Publicity - Pu Jangkholal
Hakhat a nivei suodoh ding in ZYO Bulletin 13 August 1998 in anapan vua,, Editor in Pu Thangchinmang AE anapang hi.
2000-2003: October 27, 2000 ni’n ZYO Imphal Block 2000-2003 vaipaw ding telna ana nei kia ua, tam election ah Returning Officer in Pu T. Tualzathang, Presiding Officer in Pu Lunkhohao leh Rev Kamminthang pang uhi. Election a telching a umte:
President - Pu M Thangchinmang
Vice President - Pu T. Ginkap
Secretary - Pu T Thangkhongam
Joint Secretary - Pu T.Dongchinmang
Finance Secretary - Pu Dr Dongkhanlal
Treasurer - Pi Chingmeng
Inf. & Publicity Secy - Tera Area - Pu Khamzalam
Langol & Games Village- Tv Mangkholun
Lamphel - Pu L. Lulun
Zomi Villa & Chingmeirong - Pu M. Lalboi
KUM 2005:
Zou Youth Organisation (ZYO) Imphal block ahing lah bang a shi lah bang a um nilnel pen February 15, 2005 ni’n Pu M. Jamjagin leh Dr Dongkhanlal te Convenor hina nuai ah Upa Thongsuan inn, Tribal colony ah kikhopna nei ua, member peikhawm tengin tambang a hing lah hing lou, shilah shilou a umpen poisa chiet ahiman un lamkai teltha nei dingin ana kithukim uhi. Tam a neia teng lamkai tha dingin ana teltha uhi.
President - Pu M.Jamjagin
Vice President - Pu Upa Thongsuan
Secretary - Pu Dr Dongkhanlal
Joint Secretary -Pu L Goukhenpao
Finance cum Treasure - Pu Upa S Paokhanthang
Advisor - Pu Upa T Ginkhosoi
Store Keeper - Pu Upa Thongsuan
Secretary information -
Games Village - Pu M.Pumsuankham
Langol & Langthongching - Pu Upa Thangpu
Lamphel - Tv Khailian
Zomi Villa - Tv M Boilian
Checkon - Upa Siankhanthang
Tam atung a kitelna Khu ZYO GHQ te theipi na lading in lemsa vua, Ajingni ma in theisah na Lai ZYO GHQ ah anape lut uhi.
FIRST ZYO IB MEET:
Phai khosung pen a umsate zong pemjel, mitha zong lutjel ahina ah mel kitheituana leh kicimat sem ding deina in ZYO Imphal block saina in 11 October, 2005 nin Zou Ta phaisung a umte’n ZYO MEET nei in annkuong imkhawmna ana nei uhi. Tam hun ah Zou tanu namdang toh kitengte apasalte uh tuonvai in jangvua mi 250 val ana kisukhom uhi.
KUM 2008-2010: ZYO Imphal block 2005 a Election ana umpen a term bei toh kituoh in April 4, 2008 ni’n Kitelna Upa Thongsuan inn ah ananei uhi. Vaipaw dinga teltha tam anei ate ahi uhi.
President - Upa Nengkhanthang
Vice President - Upa Thongsuan
Secretary - Pu Dr Dongkhanlal
Joint Secretary - Pu Thongthang Manlun
Finance Secretary - Upa Paokhanthang
Vol. Commander - Upa T Khamchinthang
Asst. Commander - Pu Siandoulian
Advisor - 1. Pu Jamjagin
2. Pu Fr Mark Thangkhanai
3. Pu Kapzagin
4. Upa T Ginkhosoi
5. Pu T Semminthang
KUM 2010: ZYO Imphal block 2008-2010 term beitoh kituoh in December 19, 2010 ni in Upa Thongsuan inn ah vaipaw thading telna ana umhi. ZYO Imphal block vaipo thading a teldoh a umte tam anei a te ahi uhi.
President - Pu Upa Nengkhanthang
Vice President - Pu Upa Thongsuan
Secretary - Tv Tungmuanthang @ Muanpi
Joint Secretary - Pu Pumkhanpau
Finance cum Treasure - Pu Upa Paukhanthang
Information Secretary - Tv Mangkholun
Advisor - a) Pu Jamjagin
b) Pu Thongthang
KUM 2016:
April 17, 2016 ni in UZO Imphal Block inntena nuai a ZYO Imphal block 2016-2019 sung a vaipaw ding telna ZYO GHQ te hingpei in election um a, tam anei a teng ZYO Imphal block 2016-2019 vaipaw ding a telching ahi uhi.
President - Tv Tungmuanthang @ Muanpi
Vice President - Pa Thangsianbiak
Secretary - Tv Thangminlian
Joint Secretary - Tv Thangminlun
Finance - Nh Gracy
Treasurer - Pa Khaisuanmung
Secy Art & Culture - Tv Jamlianmang
Information Secretary - Tv Thangnunlian
ZYO Imphal block, October 3, 1993 a anakiphu apat lam tuamtuam ah nampi ading pan nala a, ZYO Imphal block hatsem ding deina in unit tuamtuam zong anahong khia uhi. Tualeh ZYO kiphu nasan adiah in Shini/Manni chiang a lengkhawn, hanlai/tou, damlou sisan pia leh sil dangdangte ah pan nasatah in ana kila jel a, shini/manni a I mi/I sate’n atua hun in maizumna tua umlou in, itna leh tawmngaina toh kal anasuan uhi. Tualeh shini manni ajat ding poimaw um-le-bel, tudal, parachute, zomphol, generator, touna leh adang dangte zong phai sung a Zou inn suante pangkhomna jal leh Ex-MLA, Minister, MLA, MDC te pangkhom najal in tuni chiang ah ZYO vaitoh kisai poimaw dingte neisua thei ihi uhi.
Lamkai masate panlana jal leh lamkaite nung nathuap gige mipite jal a tuni tan ZYO Imphal block hing tou nalai lai ihi vua, hun hing tung tou jel dingte azong ZYO Imphal block min a kalte suantou jel ding in Mangpa’n Phai sung a Zou inn suan chiat thupha hing pe tahen.
No comments:
Post a Comment