Modi lamkaina India phuolpi BJP solkal in vaihawmna a'ng tu uapat India pumpi a zawnna suhkiemna di'a bang chi'a ban kila ding chi nasatah in telsuina hing nei ua, Indian National Congress in anapatkhiet scheme tuomtuom te nasepdan leh bang tan a lawching thei ding chite hing suichien uhi. Tua scheme tuomtuom umsate apat a zilkhiet uh, zawlkhalna suhkiemna di'n National Rural Livelihoods Mission (NRLM) kichi hing pan khia uhi.
Tam vaiguon ahileh Manipur a district 2 - Imphal East leh Chandel ah kum 2 peisa apat implement in um ta a, tukum apat district dangte a zong extension a'ng bawl uh gintat ahi.
India pumpi ah NRLM kichi a, tuami ahileh Ministry of Rural Development, Government of India nuai ah um a, state chin ah state solkal nuai a department tuomtuom in enkol in, Manipur ah ahileh ina theisa uh DRDA hinawnlou in Manipur State Rural Livelihoods Mission (MSRLM) chi in um a, tuami ahileh Department of Rural Development and Panchayati Raj (RD&PR) nuai ah um hi.
Tami NRLM in a tup ahileh India pumpi a rural women te SHG (Self Help Group) tungtawn a kaikhawm a, numei leadership quality, skills, capacity dopkang ding leh self employment a umtheina dinga sinsahna nasatah pieh ding chi ahi.
Kum 1999 in Ministry of Rural Development (MoRD) in Integrated Rural Development Programme(IRDP) kichi vaiguon telsuina ana nei zaw in Swarnajayanti Grameen Swarojgar Yojana (SGSY) chi'n amin ana khel hi. Tuami ahileh Manipur ah DRDA nuoi a koi in um a, fail chitah in ana fair chilei kichi khiel lawm lawm lou ding hi. Singtang mite phattuomna di'a vaiguol hinajenpi, a tang dinga kilawmloute akilawp in pang zaw uhi. Tami SGSY zong hoideu a fail leh a purpose serve lou chi thei ahizieh in, a hoina leh hoilouna te suichet in um kia a, tuachi'n kum 2011 apat in Ministry of Rural Development, Government of India tungtawn in $5.1 billion budget toh NRLM chi'a hen in um hi. Tami vaiguol pen khovel pumpi a zawnna suhkiemna dinga vaiguon lienpen a chiemte in um hi. 25 September 2015 apat in Deen Dayal Antyodaya Yojana chi'a mivaw in um kia a, hinanleh NRLM ahisihleh Ajeveeka chi'a thei in umden hi.
A nasepdan uleh a lawchinna thusim hun dang chia zopkia di'n ikoi nalai ahi.
No comments:
Post a Comment