BJP apat Prime Minister Narendra Modi, BJP President Amit Shah leh Union Tribal Affairs Minister Jual Oram te'n Manipur hingpha ua, a thugente uh thatmit dingin Congress apat INC Vice President Rahul Gandhi zing hing lenglut pei ngal hi.
Modi in Naga Peace Accord in Manipur leitang shukeh louding ahidan tangkoupi a, Gandhi in tunitan a tam Indo-Naga accord 'Framework Agreement' sunga umte mipi muthei dinga talat ahilou zieh in Modi mawpai thu gen hi.
Oram in agenna ah, Congress govt. in mipi khantouna ding a deilou zieh in Hindu, Muslim leh Christian te kikal ah kidaidanna, communal line draw ua, Atal Bihari Vajpayee hunlai a Congress te'n communal propoganda athe bangbang un tu Narendra Modi Govt. hun ah zong Congress te'n Communal propoganda the uh chi hi. BJP govt. anti-christian ahileh bang ding a Christian background nei Mary Kom Rajya Sabah Member ding a nominate bawl a um thei ding chi'n gen a, Gandhi in RSS in Manipur ah a sakhuo ginna uh zah ding ngaisun uh ahi chi'n tangkoupi kia leuleu hi.
BJP in Manipur Vision 2017 chi'a point 10 aguolte lah ua point khatna ah Manipur gamgi, tawndan leh a mipite humbit ding chi'n tahlang ua, Gandhi in agenna ah, BJP in Manipur history leh na ham-le-pau uh su mangthai nuom ahi uh chi'n gen jel hi.
Tam bang tongsuo dougal a akinei veng vung hung kal sunga voter te'n thei ding a poimaw mama khat ahileh, Congress vaihawm hun sunga singtang gam a di'a khantouna bang chi bang pieh a um ihi ua chite, BJP in vaihawmna hing tuta hihenla hileh bang a'ng chi diei chite hoitah a ngaisun ditdet kawm a i vote manpha khieh poimaw mama ding hi.
No comments:
Post a Comment