SWOT ANALYSIS: A PILHUAI DECISION LAH DAN

Tuni, Feb 11 sun a mi khat toh ka ki hou hou uleh hichia ang gen, pil huai sa mama ing.

Tutung koi na vote sawm ei hing chi in, ken zong nang hing gen masa mawng vawi le, koi na vote sawm, bang zieh in ka lechi leh hichia a'ng gen.

Pu Ginsuanhau zong misia hisih, mihoi vawt, Zou ngaina vawt, a ngolpi phial phial khat hi, a MLA sung in zong na hoitah in sem, MLA teng lah a nasem hoipen hiding in gingta ing. Tua mabang in Pu Chinlunthang zong MLA hing kai hial leh Pu Hau bang a nasem ding mikhat ahi chi pen thei mama ing. A innsung manghil jen a Zou sung siemphat sawm khat ahi zong thei tham ing. MLA hizieh a sum umsate a nasep pen tulai a dinga a huauhuau chidan meimei hita ahiman in compare bawl thei chiet lei uthuai sa mama ing chi'a hing gen.

Singngat a kiteet ding Pu Ginsuanhau leh Pu Chinlunthang Zou te ka compare leh ka vote ding pen thei doh ta ka hi zieh in ka lungnopta chia hing gen.

Ken zong bang method zang a na compare/analyse hita chia ka doh kia leh, hichia ang gen.

SWOT Method (Strength, Weakness, Opportunities, Thread) zang a ani gel ua analyse ka bawl ahi chi'a hing dawng. 

Ken zong SWOT a bang na chi differentiate lah chia ka doh kia leuleu leh hichia a'ng dawng.

Strength - Family background, Education background, vision and objectives, political party affiliation, based settlement, based organisation, personal character.

Weaknesses - educational weaknesses, dignity base, supporter's base, dignity base, alcoholism base

Opportunities - political party base, young and educated group support base, 

Thread - external threat and way of dealing, future of based political party, ban ah opportunity based in portfolio if form govt

tam teng tungtawn a comparision ka bawl ahi chia hing dawng, kei zong bawl pei sa sim ka hi man a, na sil bawlna hing ensah tan ka chi leh, tuapen keima tang a di hi, koima ensah siang hing chi in nang zong bawl mawng ve hing chi nalai.

Ken zong, a chileh tua SWOT tungtawn a na decision bang hita chia ka doh kia leh,

BJP candidate Pu Chinlunthang in point hoimu zaw mawh in, ka vote ka pia ngai didan hita chi in, awl ki kihou kia vai chia hing taisan hauh!

Feedback

Tam bang a i vote manpha tah, khat sunsun i nei veuvou pen tam bang lienga analyse bawl a thutanna lathei chiet hitalei, bang chituh in a hoi diai chi ka ngaisutna ah hing kilang vawt ei.