Lamka khopi a Automatic Teller Machine (ATM) umna a kum lam peita, a’ng
um tunga ta-ga nawi mu a I mu bang ua I baw valui pen uh a dan hing um deuta
ding I sah leh a ngei ngei ki hinalai. Lamka khopi sung mipi toh kituoh ding
ATM a um nailou zieh zong hi mai thei. Hinanleh ATM khat mei hinanleh line
saupi a I ki guolpen uh I gennuom hizaw lou in a sung dollou jen a cinema
ticket kituh I bah valui pen uh tawp san thei talei chi ut zaw I hi.
A theisa ngeng I hi tah ding uh I gingta, hinanleh thei nanlei I juilou
leh phatuom lou ahi man in, thei tha kia kia jel poimaw hi. ATM I zah chie bawl
ding leh bawllou dingte thei poimaw hi. A poimaw tin ten khen khat te ahileh:
1.
Queue
kichi line a ki guol dim diem a, kin aw helhul lou ding ahi.
2.
A
mun na tun chi’a nah un mawhna bei sah ahilou na di’n na card pen khut a tawi
tinten hoi hi.
3.
ATM
pindan (Cabin) sunga cinema ticket kitu bang mai a ding dim pheng phung lou
ding. Mi khat jel lut a a zaw chi’a a ban a pen lut bep ding ahi.
4.
Na
card leh na pin pen ahi thei tan a koima mi dang thei sah lou ham sawm ding. A
bawl dan thei nailou I hi leh I mi muon mama khat toh kuon a a sunga a bawl dan
et mai ding ahi. Lamka ah electronic guta (thief) a siem ki um nalou ahi zieh
zong hi van tu ni tan in na pin apat sum hing ki lah mang sah chi um naisam lou
hi mai thei. Hinanleh a siem tah tah zong tampi umta ahiman in na pil vang mama
poimaw ding hi.
5.
Electronic
I chipen a ma zie dungjui a nasem ahiman in nang naki naw man a kinaw thei
hilou hi. Tuazieh in kinaw tinten lechin zong
na bawl ngei jel uh, a maching beh, tup chite bawllou kei ding ahi.
6.
A
sum hing pawt khiet chia, a sum lah in a receipt pen manghil jel ki um thei hi.
Guta siemtah tah ten a receipt apat in zong sum guthei mawh uhi.
7.
Na
pin card leh a pin pen mi na doh thu khat hitaleh, a bawl dan na doh ma sang a
ke’n hing panpi vang chite khu a jau a na jau thaw ding ahi.
8.
Mi’n
ATM azah chia va suhbuoi lou ding, nang na zah chi’a zong hing subuoi sawmte
apat pil vang hoi hi.
ATM khel khel lou, mipi ki golna mun te ah kilawm tah a sil a pei theina
dingin a mipite mama in mawpuohna ki nei hi. Ke’n ka pat lou leh ko’n a pan
diei? Ke’n ka jui lou leh ko’n a jui diei chi thei chiet pen changkang huoi mama ding hi.
Lamka mipi khen khat lah ki show-off na ki zang thei chang chang nalai,
ATM mai a va kiguol bang chu ki thupi sah em em gam. Sum la khe ding a de aw I
chi leh balance en maimai di’a naikal khat phial phial bang ki guol diam duam
ngap zong ki tam sim mama nalai hi.
A bang teng hitaleh zong, mi khat ATM Cabin sung a a um laisie mi dang
in lutkhum da thei ta lei kilawm mama leh changkang vai mama ding hi’a, ke’n
sil kilawm a ka thei ka pan ding I chiet vai aw le.
No comments:
Post a Comment