To
The Editor,
Manipur Express, Lamka Post, Zogam Today, Hmasawnna Thar, Eimi Times, Nisin Thuhiltu
Subject: Ccpur district a voter ID leh Adhaar Card issue
Respected Editors,
Ccpur district sunga voter ID leh Adhaar Card bawlna toh kisai mipite apat gen-le-sah tampi umte ka na ja mun mama ta hi. Adhaar Card bawlna ding toh kisai Rs. 600 pia ngai, voter new enrollment adia a form xerox man zong pia ngai, tua ban ah voter id kibawl sa DC office apat lahkhiet na dinga Rs. 200 pia ngai chite ahi.
Govt office apat hibang a sen-le-pai umte ahi ding mawng ma amah? Ahisihleh office a solkal nasem khat-le-ni kimawlna amah?
aadharcarduidai.in page ah lah "India pumpi a Aadhar Card bawlman a thawn liuliau ahi akichi jel a". Tua ban ah Aadhar Enrolment Centre in sum a ngiiet leh Rules dungjui a gawtna piethei ahi chi hinapi, tam bang a nasepnate District Magistrate /Deputy Commissioner te'n thei kha nailou adi uai?
Mi nautang in lah poimaw ihi man a hamsa sa pipi leh neilou sasa kisui vevaw in ki bawl chiet sam hi. Innkuon tamte adi'a bang sil bailam hi vawtlou ahi dan tuni mama Zodawn lam a ka mi houpite khat in hing genkha hi.
Tam a tunga kigente adihlou ahi chi thei giagua napi Mediate'n mi hah kelkul a silhoilou bawlte mulou kipang pang ding idiai? Ahisihleh mipite hamsatna donghu tu hisang a khat-le-ni ki mawlna phuolgu a pang zing ding idi uai?
I gam a Media te'n mi nautang hamsatna awnghutu na hing hi toupeh uh lam-etna toh.
Lam etna pienpi toh
Pupu Zou
Lamka | 13-05-2016
No comments:
Post a Comment