~ Pupu Zou
Kum 200 val peisa a gam dang opkhumna nuoi apat manih deitelna kivawihawm theina di'a thutanna tunitan in a peisuo nalai.
Nang zieh a pei tou tou nalai ahi. Nang ma'n tua thutanna pen guolzawna leh lungkietna tungah nam detna na nei hi. American innkuonte ihi, i kiet leh kekhawm, i khang leh khang khawm gam khat ihi chi kilatna ahi.
Tujan in tam guolzawna pat in i peina ding saupi leh hamsa um nalai ahi dan nang musah uhi. Michin in i lungsim uah America maban a sil hoi hing tung ding ahi chi i thei chiet uhi.
Tam kitelna tel America teng teng tungah kipah thu ka gen hi. A khet veina ahi zong in line saupi a kichieng nahi zong un, Obama ahisihleh Tomney a dia gim thuo na hi zong in, na awsuo ja in na um sah ua, ki khelna siem tu nahi uhi.
President ka ki candidate pi Governor Romney leh ama a di'a sithu namjen a pang Paul Ryan te ka nousiet jou ta. Election husa sung ki en danglam jen in pan ila mai thei, i gam i it zieh leh ama ban ding i khuol zieh ahi. Geioge apat Lenore, tualeh a tapa uh Mitt Romney innsung mite'n i gam a ding in a bawl thei thei uh ana bawl uh, tuate zieh in pataatna sangpen i pieh uhi. Tu maban ah ka kiteetpi pa Romney toh kimu a maban a kal suon dingdan kikuppi zong ka ut hi.
Kum 4 peisa a ka lawm leh ka seppi teng tungah nuomthu ka tun, tuaban ah America adi'a Vice President hoipen Joe Biden tungah zong ka lungdam thu ka gen hi.
Kum 20 peisa a ka ki nunpi ka it ka ji, Michelle um lou in tuni'a ka hina tung lou ding kahi ka ki thei hi. Khovel mipite mai ah ka puong - Michelle, na phu bang ah in kang na it kha jou sih, hinanleh America pumpi'n ang it mama uh First Lady of America nahina tung ah kang ki uahsah pi thu kang tun hi. Ka it ka tanu gel - Sasha leh Malia te aw, ngahnu melhoi tah leh piching na hing hita uh, i gam mipite mai ah ka hing kiletsahpi thu kang puong, tua leh kang gennuom khat ah - ui khat mei nei huntawh ka sa hi.
Tam election a ding a gim leh tawl hing thupi, a tha leh a lui, a bul apat hing na gimte jou sie aw, hun hingpei jel ding ah tangthu siemtu te nahina uh ka manghil sih ding hi. Ka tunga nang muon ngamna uleh nang itna te uh zieh in a nunnuom America President apat tawisangna pieh nahi uhi.
Election campaign khu sil neunou leh nuijat huoi abahna tampi um ahi chi ka thei. Tuami apat zil khiet ding simseng lou zong um hi. Politics Election ahileh kihisahna (ego) leh lunglutna hi hauna ahi. Hinanleh mun gamla pi apat election office a jan sawt pipi semte, lampi juina mipite toh kithuja tuo ahichieng in kihisahna pen bang ma lou leh zil doh ding nempi um ahi chi ka thei khia hi.
Sang-inn a apat sangnaupangte kamsuo apat naupangteng in satan kibang nei chiet ding chi'a a tangkoupi uh na ja ding, na sepna toh kisai a a hoi zaw sem ding deina kot-khat apat kot khat a tangkou te zong na ja tham ding, sepai pang jinu zong apasal toh kihou nuom a telephone phunga din khol leh sepna sui a buoi veng vung khanglaite kahna aw zong na za ding - tuate ahi politics kichi. Tuate zieh a election khu poimaw ahi, sil lien tah ahiban ah sil poimaw ahi.
Mihing million 300 val tenna election thawm ging pen a bil-ap huoi ding ma ahi. Eima ngaidan chiet i nei, gingtat dan tuom chiet zong i nei uh, hum hahsa i i lut leh thutanna i bawl hun chiengin thuona leh thubuoi huoi hing pung jel hi. Tuami i ki selbuoina uleh iki soiselna u khu i zalenna etsahna ahi. Tu hun mama in zong gam tuom tuom ah a ngaidan uh gen nuom zieh a hinna tan zong tampi a um ding, tunia ei bang a a vote khe nuom vevaw a khe thei louu zong tam pi a um zing. Hinanleh tuni'n ei gam in muonna leh bitna toh zalentahin tuote i bawl thei uhi.
America gam amite nam tuom, jat tuom chiet hinanleh, America a dingin kinepna leh tupna ki bang i nei uhi. I tate uh sang-inn hoipen, sangsye hoipen, technology lam a changkang pen, nasepna tamna gam a khanglien ding in i dei chiet uh. America gam bat a dim lou, jat-le-nam kibahlou zieh a niemkietlou gam a teng ding in i dei chiet uh. Hinanleh tam bang a gam nuom mama America ahileh Global Warming in sukha hi. Khovel a gam galmuong pen leh sepai hat pen nei, gam dang ten a etla uh, America gam a teng i hi uhi.
A zainem America, lungsietna hau America, gampem mihingte dia lot lientah a hong zing Ameria tungah kinepna lienpi inei uhi. Chicago gam ning a um naupang pa kinepna, doctor, scientist (telsui), summetbawl, politician leh prisident hi nuom North Carolina gam vot a nasemte kinepna te ikineppi uhi. Tuami ahi America in i kikop kinepna khu.
I sum din mun in hoilam a nawt, kum 10 lam phiel sum dinmun hoilou gal idou pen aei ding ahita. Election tangkouna pen abei ahita, hinanleh nang vote un, nang vote lou un zong ka aw uh ka ngaikhe ding hi. Na gimthuonate uh zieh un White House a kile kia ding ka hita, sep ding bawl ding tampi a um nalai.
Tujan in nasem dingin nang vote uhi, politics pa ngei bang nawnlou ding hi. Na nasepna guntu ding in nang telching ua, kal kia ahisihleh ha hing tung ding ah party gel lamkaite apat America maban ding gekhawm ka sawm hi. Deficit, tax code, imiigration system, gam dang thautui te tung tang gen khawm poimaw hi.
America mi leh sa hina ah vote na khiet pen na nasep jou na hi naisih hi. America gam a ding in bang i bawl khawm thei ei, nang na sepna ah, kei na sepna ah, eima ki toudel chiet pen America dingkipna khat ahi.
I gam in gam dangte sang in hausatna a nei zaw, hinanleh tuate'n gam dangte sanga hausa zaw in ahing siem sih hi. Khangthu ah sepai thahat pen i nei zing, hinanleh tuote'n a hing hatsah pen dieh sih a, i sang-innte, i tawndan te'n khovel mit a lah a, hinanleh tuote'n gam dangte i gam ah a kai lut tuom sih hi. Hinanleh gam dangte bang lou in America pen khovel a gamlien pen leh chi-le-jat tuom tuom teng hinanlei ang kankhawm tu (bonding) pen ziehin mite mitsuon ihi uhi. Zalenna mi chin tunga umpen in America thupisah hi.
America mite ki ngainatdan, mi khat in anasep ding amulou sangin keima'n ka nasep a dahkal sutom vangin tua nasepna mulou ten ka sepna mabah sem hen chi'a iki gel khawh dante uh ka mu hi. New Jersey leh New York tuipangte ah politics party tuom tuom a lamkaite'n a kibanglou ngaidan aneite uh koikhie a nuomtah a hinkhuo aman khawmte uh ka mu, ki endang lou a panpi ngaite i panpi khawm dante u zong ka mu hi. Khat leh khat iki ngainatna uleh iki lungsiettuona te u zng ka mu hi. Tuabang ki itna te ka mu chiengin America ahichi dingma ahi ka chi jel hi. Kum hing pei dingte a zong manghillou leh tuabang ki ngainat tuonate pungsah sem ding in iki chiel ahi. Tuabang gam changkang leh khangtou President ka hi kha ziehin ka kiliensah mama hi.
America, ken ka gingta, i gam leh i nam a ding in i khang sem sem ding ua, na sepna leh hamphatna satan zong tampi i siemkhiet be nalai ding uh chi zong ka gingta. Na sep i guntu a, kukal tah a i pang pou leh America mukhetu duthusam i tangtun uh zong ka gingta hi. America ah mivom, mikang na hi in zong, Asian, Hispanic, America apieng nahi in zong, naupang, upa, khanglai, hausa, mi zawng, piengsuol, gay nahi in zong, nasep na guntu leh America ah na khosa thei mai hi, kikhenna umlouna gam America ahi.
Pasian panpina toh ma i sawn jel ding ua, gam thupi pen a teeng ihi dan uh khovel i ensah jell ding uhi.
Lungdam ing, Pasian in hing guolzawl hen, Pasian in America guolzawl hen.
No comments:
Post a Comment