Zolengthe Group in Bandh/Strike i bawl jel uh a thuneitute tunga i dei, i ngai leh i buoina uh tutna dinga vanzah phatuom leh hoipen amah chia dohna kibawlna ah 82.09 per cent in ahoipen leh a phatuom pen hilou ahi chi ngaidan nei ua, 11.72 per cent in ahileh hilou, hinanleh ahina chieng khat um veve chi ngaidan nei in, 6.17 per cent in ahileh ahi, vanzah hoipen ahi chi ngaidan nei uhi.
Za lah a 82.09 in a ngaisutna ua um dinga ngaisut ahileh bandh leh strike bawl ziah a aphatuom mu sanga minautang in hamsatna a tuote a compare chiengua phatuom sa joulou hikha ding un gingtat huai hi.
Tuachia i et a ahileh a positive impact sngin a negetive impact lian zaw thamtham ding ma ahi. I gam, i mi i sa i et chiengin nichin a nehtawm sui leh ki thalaw a tamzaw ihinalai uhi. Tunia a mulou leh nelou chitanpha zong ki umtham nalai ahiman in, bandh leh strike chivel i bawl chia mi nautang gentheina pen thuna mei hilou ahi dan i thei chiet uhi.
A lang khat lam ah, Bandh leh strike chite poimaw, tuate umlou a solkal in hing ngaisah lou ding chipawl zong khen khat um veve sam. Vote bawlte apat tuabang ngaidan tamlou en zuai vai le... "I guess shutdown is the only option because the govt give attention only when there is strike/shutdown. This is because of the govt failure, therefore people considered different way to tackle the situation., Adang khat in ahileh "Yes.......if you want the govt to look into the matter thats the only solution......or else your issue will not be heard......" chin gen hi.
I gam solkal ahileh i theisa mabang un a kotbiang uh kong kong sa aki kiu louleh ahithei tan a ngaisah lou phot dingin, a tawpkhawh chia etkai pan di chi ngaidan toh kum tampi ana ki toudeltou ahiman in, a poimaw na chieng zong um tham hi, Zah dingma hi, hinanleh i gam a atamzaw nichin ne-le-ta suite lungsim a gel pumpum a nasep poimaw ta hi.
Tua ahiman in BANDH, STRIKE, SHUTDOWN chite zah nawnlou a, policy/tactic dang i ngaisut uh poimaw mama tahi. Mi nautang sukha lou a solkal kot kiu theina ding lampi dang i sui uh poimaw hi. Meitei thupil khat in 'lin su sibah chei su tektaba' chidan a minautang lah subuai lou, ahivang a i silphut ulah effective tah a phut chidan khat akoi akoi in i pat uh hunta hi.
- Pupu Zou
*ZOLENGTHE*
Connecting the Zo people
No comments:
Post a Comment