Manipur sunga teng nam tuom tuom te ki chimatna pen belpi sunga tui kisuong a sou vazung, a phul khe deh deh toh kibang hi. Mi khat-le-ni hamkhel zieh leh gamtat khelna zieh a nampi/gam bup buoina tung thei ding dinmun a ding zing ihi dan uh tulai thuthangte tungtawn in kiching mama hi.
Meitei society hi in, Naga, Kuki, Zomi, Hmar leh Mizo hitaleh mimal gamtatna pen communal line a leng deh deh in ki um zing hi. I nua ni peisa a helpawl khen khat gamtatna ziehin mipi sousanga, mawhna neilou mi khat in ahinna atan ban ah, bangma thei lou gari tamtam tah ni/thum lam haltum in um man hi.
Hiamngamna leh tuolthana pen pawl khat nasep hinanleh a nam level a pei zing ahita man in, akoi akoi pilvang poimaw a, capital punishment chi’a mihing khat hinna lah pen ahithei tan a kisum pen namkal a I relationship uh maintain na di’a hing poimaw ding dinmun ah kilang ta hi. Hipawl hita nanlei zong, mihing khat a gamtat dan I ginmaw a um chiengin a mimal leh a mipite kungah theisahna warning um masa thei henlen, tuozaw chia a pilvang theilou hial leh nasep in jui thei pan leh damna hi ding hi.
Tutung sil tung ah Meitei society toh neu khat hileh hill tribe, adih in Kuki society kikal ah ki theisiemlouna pieng dehtah dan in kilang hi, tuathamlou in ei Churachandpur district sunga zong tuobang incident khutzung hieh a sim thei ding hunkhop umta ahiman in, I gamtat khawhei a pilvang poimaw mama hi.
Tam bang silte atun hun a poimaw mama khat ahileh a huntah a security involvement ahi. Buoina lienpi tung thei ding dinmun a um chiah security deployment pen a poimaw na mun mun ah sawllut hi thei zing leh buoina veng hiau ding hinajenpi, Lamka khopi sunga unao kal buoilai in, a hun bang tah a se
curity sawllut ahilou zieh in a tunglou ding sil tampi tung man ahi chilei ki khiellou ding hi.
No comments:
Post a Comment