I Mou Vanken Dan Uh (Our Dowry System)

India gam sunga kolte’n a ta nei chiengua ana mullit mama uleh ana ki khuul jel jel na zieh uh tanu – ta numei nei zieh ahi nuom leng hi. Bang zieh a tanu nei zieh a tam bang silte pieng adiei? Tuni’a i gen nuom mou vanken i chi te zieh a hi nuom deu hi. Kolte’n atanu te uh a haah chiengun a nei a lam teng uh seng in innkal kitawi jen in pang vevaw uhi. Tuaban ah a tanu uh kiteenpi ding ten a dei jaja uh ana iih thei jel uhi. Tuatham lou in tanu nei te’n a du, a dei u zong lei ngam vevaw lou in a mu sun sun uh a kim khat a tanu te uh haahna ding in saving ana bawl vevaw uhi.

India pen i theisa ma bangin gam lien leh chi chin nam chin umna ahiman in govt in bangteng bawl in sawm nan uleh pichin chipen hamsa mama hi. India a mou vanken zieha innsung tampi te’n kisiet kibalna leh ki thana tan a tun ziehin India kumpi in Dowry Prohibition Act, 1961 chi’n thukhaam bawl hiel ua, hinanleh tunitan in khapzaw in tuon lou hi.

Tam toh kisai eilawi chiindan en zuoi talei, ei lawi pen a core a sim chite hinai sam sih nanleh a bul kipan pan kilei kilawm kasa hi. Hun sawtlou sunga kolte banga i nei i lam in a chitlou tan tan ing tup hun hing tung dingin ka gingta hi. Mou van i kensah dante uh chijaat huoi phiel2 hing bang doh ta hi. Kolte kibawldan chiem panpan i hilam ki phaw hun ta hi. Neilou pum pum a leipa tawi jen a tanu haah ki chiing pan pan ta. A neijou te’n a lakh tel a sim van ki kengsah. Kolte banga van keng tawmte i deilou hun hing tung bei ta mai thei hi.

Pupa Dan khautah a peipi pen maban a die damna hing k=hileh kilawm ta maw. Ahisihleh Dowry Prohibition Act, 1961 toh ing kisaina ding uh gamla nawnlou hi.

~ T. Zamlunmang