Khovel pumpi a gam lien 7na pang, Census 2011 dungjui in mi sing 1,028,737,436 (pasal 532,223,090, numei 496,514,346) tenna, a mi jata ki lawikhawmna, ham leh pao, tawndan, chiindan chi tuom tuom kizahna India ahi. India ah numeite pen innsung a ne-le-ta sai ding, innsunga vai toh kisai a pum buoi di'a mi sang tampi te'n ngaidan a nei lai un, gambup tanpha ban ah gam kai/state level tan ah thunei leh politics a kimawl thupi tah tah tampi um hi. Tuhun lou zong India in zalenna ana dellai in zong numei lamkai thupi tah tampi ana um ta hi.
India ah missing tazaw in tam in numei 496,514,346 tah pha nanleh gam dang toh tekah in Parliament a tou thei a taw khop mai hi. Indian parliament ah (9.1%,14th loksabha) ching nil nel. Gam dang a numei Innpi a tou - Rawanda (56.7%), south Africa (44.5%), Mozambique (34.8%).
Laxmi Bai, Annie Beasant, Madam Kama, Sarojni Naidu, Lakshmi Sahgal, Maharani Ahilyabhai Holker, Kasturba Gandhi, Arun Asaf Ali, Begum Hazrat Mahal leh a dang tampi te India zalen gal sat lamkai in ana pang uhi.
INDIRA GANDHI
Tuaban ah India in zalenna a mu nuoi in Numei lamkai minthang tah Pi Indiara Gandhi (1917-1984) hing kilang doh hi. India khangthu ah Indira Gandhi ahileh the most powerful prime minister ki chi hial hi. India in zalenna a ngah zaw a Prime Minister a thumna ahi ban ah akizom in 3 vei (1966 to 1977) po tou zar zar hi. Ama ahileh November 19, 1917 in Allahabad ah Jawaharlal leh Kamala Nehru te goutan tanu ahi. Indira Gandhi te innkuon politics a ang lutna uh ahileh South Africa gam a thonginn tang Mohandas Gandhi in 1919 kum a akimupi nua apat ahi pan hi. A nu-le-pa'n hun tamzaw umpilou ahiban ah a thuja tamzaw zalenna toh kisai ahiman in ama nu lungtang ah chitu in um den hi. Kum 11 aphah in a skul kaina mun ah naupang hon khawm in India zalenna del ding chi'n Monkey Brigade ana phut khia hi.
Kum 1937 in Somerville College, Oxford England a lai zil a a umna ah Feroze Gandhi toh ki thei ua, tuachi'n 1942 in ki teng ua, tapa ni Rajiv Gandhi leh Sanjay Gandhi nei uhi. Tuana pat Gandhi min hing tuongkha ahi pan hi. I thei chienlou ua i na buoina jel uh, Mahatma Gandhi te toh ki tanauna nei lou uh, hinanleh Gandhi ang hina ahileh a pasal nei apat ahi. Kum 1941 in India ah hing kile kia a, tuona pat Indian Independence movement ah pan hingla in, 1950 lai in India Prime Minister mapa pen Apa personal secretary in panga, 1964 - apa shi nuo in Rajya Sabha (upper house) ah member a guon in um hi. Tuachi'n Lal Bahadur Shastri' cabinet ah Minister of information and Broadcasting ana tu hi. Shastri shi nua in Prime Minister post hing tungtou hi. Prime Minister ahi sungin Pakistan leh East Pakistan tua Bangladesh gal (1971) pienga, Gandhi in role nasatah in play hi. A vaihawm hun sungin State of Emergency (1975-1977) ana puon ban ah June 1984 in Sikh helpawlte kibutna Golden Temple luhna di'n order (Operation Blue Star) khau tah ana pia, luh zaw in um, hinanleh 31 October 1984 in ahinna taan lawh.
SONIA GANDHI
India Political Party lien tah tah te’n buoi chitah a abuoipi uh, hinanleh suongpi bang a detdou leh a liin zaw lou uh Pi Sonia Gandhi ahileh I theisa mabang un Pu Rajiv Gandhi angkawi Italy mi ahi. Ama ahileh December 9, 1946 in Italy gam Contrada MÃ ini ("Maini street") mun Lusiana mun ah pieng hi. A pa Stefano leh a nu Paola Maino te’n a min ana phuosah uh ahileh Edvige Antonia Albina Maino chi ahi. Tulaitah in Indian National Congress (INC) President leh United Progressive Alliance (UPA) Chairman in pang hi. Pu Rajiv Gandhi shinuo in Congress lamkai di’n ana chiel ua, hinanleh ana ut chiei sih hi. A tawp a khong in 1997 leh 1998 in a chielna uh ana pompiah ahiman in Congress lamkai di’a telching in um pei hi. India leh Congress Party khangthu ah party president tu saupen in pangta hi. Pi Sonia in Congress president term 4 kizom in tuta hi. Gam dang a pieng INC President hina tu mi 5 lah ah Pi Sonia ahileh Independent mu zaw a a masa pen ahi nalai hi. The British magazine New Statesman ten “The World’s 50 Most Influential Figures” in the year 2010” annual servey abawlna uah Pi Sonia ahileh numbat 29na tungpha vervar nalai hi.
Roman Catholic innsung ah Pi Sonia na khanglien ahiman in Christian sakhuo ngainatna pen nei tham hi. A pa, building contractor ahileh 1983 in a leitung hinkho bei a, a nu leh a sanggam numei 2 te tuni’n Orbassano ah dam in um nalai uhi.
1964 in Bell Educational Trust's language school, Cambridge ah English zil din ana kuon hi. Tua hunlai in in Trinity College at the University of Cambridge ah Pu Rajiv Gandhi zong laisim in um a, 1965 kum in Rajiv in side pocket money didan in Greek Restaurant khat ah waiter nna ana sem hi. Tuana itna mit ha toh ana ki en gel uh ahina toh, lungsietna in pichin lam nawt jel ahiman in 1968 kum in a mong bei itna zungbu ana kibusah ta uhi.
Tapa Rahul Gandhi (born 1970) leh tanu Priyanka Gandhi (born 1972) nei uhi. Pi Sonia leh apasal ahileh politics ah ki gol pei biatbuot lou ua, ahi thei tan in ki kang koi zing uhi. Hinanleh kum 1977 a Congress in ang guollel in gam dang ah pem zosop ua, Rajiv in a lenna hehpen peipi in Sonia in innsung enkol hi. Kum 1982 in politics ah Rajiv hing ki gollut pan hi.
A pasal politics a ang buoi apat Sonia zong India khuo-le-tui ahina hing ki gen pan pan ta ahiman in a Italian passport pen Italian Embassy ah 27 April 1983 in pekhie (surrender) bawl hi.
Politician kulmut ten a ngaisang vangutna uh ahileh Rajiv Gandhi shinuo a Prime Minister hi thei ding hinapi, ut vetlou a a mi muon mama te a guonna pen thupi sa uhi. Rajiv shi nua 1996 lah vel in congress party pen kiet chitah a kia in pawl tampi pieng lawh hiel hi. Congress kulpi ki sesa tung ding kia ding in Calcutta Plenary Session 1997 in Pi Sonia pen Congress ah ana lut a, 1998 in party lamkai hi tou ngal hi (ni 62 sung). Gam dang mi ahi Indian Prime Minister hi thei sihva chia ki pei von von Sharad Pawar, Purno A. Sangma leh Tariq Anwar ten NCP phut law hiel uhi.
Tuachi’n kum 1999 in Bellary, Karnataka leh Amethi, Uttar Pradesh ah Lok Sabha election ana teet a, tuana pat BJP leader, Sushma Swaraj ana tuon khe diip deep hi. Kum 2004 leh 2009 in zong Bellary ma ah tel ching in um tou den hi.
SHEILA DIKSHIT
India Capital a det dou gim gem, March 31, 1938 peh a pieng Pi Sheila Dikshit ahileh Delhi a Chief Minister term thum kizom a apuohna ahi ta hi. Ama ahileh Delhi Legislative Assembly a dia CM a ni na ahi. New Delhi constituency apat tel ching ahi.
Pi Dikshit ahileh lai lam a changkang mama. Miranda House, University of Delhi apat Master of Arts jou zet. Tualeh University of Delhi in zong pahtawina sang tah Doctor of Philosophy, honoris causa chi lukhuh nelkai ana khuh sah ta uhi. A ma ahileh Phamsa Pu Vinod Dixit (a noted independence activist and a former Governor and Union Cabinet Minister (in U.P. Vill. Ugu Distt. Unnao) ki teeng ahi uhi. Ta 2 (ni) - Sandeep Dikshit (East Delhi apat MP) leh tanu Latika Syed nei uhi.
Kum 1984 leh 1989 in Kannauj Parliamentary Constituency of Uttar Pradesh ah MP tel ching in um hi. 1998 apat in Delhi Pradesh Congress Committee President in pang hi. 1986-1989 sungin India phuolpi ah Minister of State for Parliamentary Affairs in sem a tuozaw in Minister of State in the Prime Minister's Office in sem kia hi.
Kum 2008 in World Mayor award pieh in um a, 12 July 2008 in Journalist Association of India ten Best Chief Minister of India pahtawina sang tah ana pia uhi.
MAYAWATI
India state teng lah a mi sing tamna pen, Census 2011 dungjui a mi sing 166,197,921 (pasal 87,565,369 leh numei 78,632,552) tenna state Uttar Pradesh state a Chief Minister ahi. Kum 1995 leh 2003 a ana guolzaw ban ah tu in Chief Minister ana hitou peh hi. Mi tangpi in Behenji (sanggamnu) chia a ahat uh, Hindu te’n ana uat mama uh, India a dia Dalit numei Chief Minister masa pen ahi nalai hi.
Ram Rati leh Prabhu Das goutan New Delhi ah 15 January 1956 in ana piang hi. A ma ahileh Hindu Scheduled Caste lah a zong a nam ngiem mama Jatav subcaste apay Chamar jaat apat ahi.
Kalindi College, University of Delhi apat ana graduate, Law ana zil ban ah VMLG College, Ghaziabad, Meerut University apat Education ah ana graduate et ut hi. Dalit politician Kanshi Ram in kum 1984 lai a Bahujan Samaj Party (BSP) apat lai in a nuo jui in ana pang hi. Gintat lou pi’n Buddhist sakhuo jui ana hi vang lah hi.
Kum 1984 in Muzaffarnagar district apat Kairana Lok Sabha (Lower House) seat in the in BSP ticket tung tawn in ana teet a, tuachi’n 1985 (Bijnor), 1987 (Haridwar) leh 1989 in Bijnor apat in Loksabha ah telching in ana um hi. 1995 kum in Rajya Sabha (Upper House), ah tel chingin um a, tuo kum ma in state election a BSP in bawl hoi sim ahi man in party dangte toh kigawm in govt form uhi. Tua hun apat UP Chief Minister hina tang thei hi.
Politics a lunglut seng ahiman in tunitan in pasal neilou in um law hi. Mayawati party hatna ahileh India a ki simmaw mama Brahmins, Thakurs, Muslims leh nam changkang loute toh kithuo a nam changkangte a deeh zieh uh ahi deu pen hi. Tua ahiman in India in Mi chin ki liengkim chi etsahna pen Mayawati apat mi thei hi chi hiel hi. Kum 2007 May 13 ni’n UP Chief Minister a term 4 (li) na di’n ki chiemna ana neita hi. A ma tuppi pen ahileh mi chin ki bang, a lien tuom, a neu tuom um lou, mi phala te kunga sena pieh ding chi ahi pen hi. Election campaign a a slogan thupi mama khat ahileh "Uttar Pradesh" ("Northern Province") apat "Uttam Pradesh" ("Excellent Province") chi ahi.
MAMATA BANERJEE
A mel et bang het lou, politics ki chi bang a hiei chi thei chien mama, a party hamphatna ding ahi pou leh koi pary toh ki zop zong khaw sa vate lou khat tukum in West Bengla a kum 34 tah vai ana hawm CPI te kawkhu a totkhiet bang in sip sah ding deng hi.
Mamata Banerjee ahileh 5 January 1955 in Pu Promileswar Banerjee leh Pi Gayetri Banerjee te a pat, Kusumba, Birbhum, West Bengal mun ah piang hi. Ama ahileh Brahmin, lower middle-class apat khang khia ahi. West Bengal numei Chief Minister masa pen di’n May 20, 2011 apat office luota hi. A ma ahileh Trinamool Congress kichi political party phutkhia Chairperson ahi. Mi chin in Didi chia ahat uh, tu tung election ah a Didi hina tah tah nasa tah in a sulang hi. West Bengal dung leh vai tot chitah in a tuon suo dimdiam hi. Khovel pumpi a mipi’n vaihawm dia a tel ching lah a vaihawmna touna tou sawt pen Communist Party of India (Marxist) te nasa tah in tuon chimit hi. West Bengal mipite a thune na zieh ahileh govt in Industry chi tuom tuom bawlna dia loubawl mite gam alasah sawm chieng in nasatah in ana doudal pi hi.
A political career hing kipatna ahileh kum 1970 lai in Congress ah ana ki hal panta hi. Hun tomnou sungin state Mahila Congress (1976-80) sung general secretary in ana pang hi. Mi kichei lou vawt khat, bag hou deu mai khat toh politics sai a dieng val ahiman in ama zong pasal suiman lou in tunitan nu gol in um den hi.
Jogamaya Devi College, Kolkata ah history honours in graduate ana jou hi. Tua zaw in University of Calcutta apat Master of Arts (Islamic History) ana jou kia hi. Tua chi’n Shri Shikshayatan College apat Degree in Education ana la tou peh a, tuachin Jogesh Chandra Chaudhuri Law College, Kolkata apat Law Degree zong ana jou liai luai hi.
Tutung election ah 77% tah in CPI(M) te jou ua, ama ahileh West Bengal adia Chief Minister a 11 na ahing suota hi. Tutung election a atha zaw dan ahileh Chief Minister hi zing Buddhadev Bhattacharya na san a seat apat a tu khiet top dan uh ahi.
Kum 1984 a general election ah India’s Youngest Parliamentarian ana hi pha ban ah, Communist politician kulmut vawt leh pasian tuh a a ngai uh Somnath Chatterjee a constituency apat ana tu khia hi. All India Youth Congress general secretary tanpha ana tu kha ahiman in a political career pen lam zang mama hi. 1996, 1998, 1999, 2004 leh 2009 general election ah tel ching in um tou zieh zieh hi.
Kum 1991 in Rao government ah Union Minister of State for Human Resources Development, Youth Affairs and Sports, leh Women and Child Development portfolio te pieh in ana um hi. Ama proposal leh congress dei dan akibah lou zieh in congress te nasa tah in ana dem a 1993 in a portfolio tea pat sutkhiet in ana um hi. Congress government in West Bengal nelsie, a khantouna ding bangma sailou chi’n India innpi ah a dial tanpha ministerte se na’n ana nei hiel in, ki resign nanleh Speaker P.A. Sangma in ana pomlou in ngaidam ngen din phut hi.
Tua banga ki theisiem louna hing lien deu deu in kum 1997 in All India Trinamool Congress hing phut khie hi. A gumna kia khat ahileh Inpi a Women's Reservation bill kigen lai Samajwadi Party MP, Daroga Prasad Saroj in a ngaidan hilou chia a gen leh a puon-ah ngawng a kai in Inpi apat kai pawt zaih.
Congress toh ki liengtaat theilou ahiman in kum 1999 in BJP-led National Democratic Alliance (NDA) government zom kia leu leu a tuonah zong Railway Minister pieh in um kia hi. Railway Minister ahi sungin a chiem teng bawl manlou chi’n a ki sie thu gen nanleh MP khat in a term khat sunga a bawl khiet teng lah a apha jou ding koima a um nai sih hi.
Kum 2001 in BJP toh ki thu hi thei mama sih chi’n Congress lam ah hing kihei kia leu leu hi. Kum 2004 tan Congress govt nuai ah Ministry of Coal and Mines portfolio pieh in um hi. A party ki zoppi a hen lele na san ahileh West Bengal a a pu a pa uh leisa banga vaihawmna kum 30 val tu CPI(M) te pai khiet theina’ng sui ana hi zing laizang hi.
2011 Assembly Election ah Mamata Banerjee' party All India Trinamool Congress, SUCI leh Indian National Congress kithuo in state assembly election teet khawm u, seats 227 tah tang uhi. Trinamool Congress chouh in seat 184, INC in seat 42 ban ah SUCI in seat 1. CPI(M) leh akai zatam ten seat pumpi 294 lah ah 62 mai mai tang jou giep uh.
JAYALALITHA JAYARAM
Thau thriai thruoi, mel se khollou, South India lam adia super star a chi uh, movie actress zong hi, la sah siem zong hi nalai Jayalalithaa Jayaram ahileh 24 Feruary 1948 in Mysore, Karnataka ah ana pieng hi. Kum 2 a upa ahi in a pa Jeyaram in ana bei san hi. Tu leh tu in Tamil Nadu Chief Minister ahiban ah All India Anna Dravida Munnetra Kazhagam (AIADMK) General Secretary ahi. Politics a lut ma sang in Tamil, Telugu, Kannada leh Hindi film te ah a nungah in ana pang jel hi.
Jayalalitha in film ana bawl masah pen ahileh Kannada film “Chinnada Gombe” (1964) ahi. A ban a film a na bawlte ahileh English film Epistle (1961), Kannada film Vennira Aadai (1965). I lawinu ana maimai tuon lou, Tamil film actress teng lah a Skirt (puonna sing) ana teng masa pen hinalai hi. Politics a alut masang in south India film minthang tah tah tampi ban ah North India lam tanpha ah nasa tah in ana lawching tou peh hi.
Kum 1981 lai vel in politician te toh hing ki nai deu deu in kum 1988 in Rajya Sabha ah nominate in hing um pan ta hi. Tamil Nadu sung a lark hop ahiman in 1989 in Tamil Nadu Legislative Assembly ah telching in hing um tahi. Hinanleh govt form lah a telkha lou in Opposition leader in hing pang a, numei pang masa pen hi pai hi. Term kia a election hing um in a ma party in guolzawhna tang ahiman in Chief Minister (24 June 1991 - 12 May 1996) in hing pan tou ziah ziah tahi. A kal lah a govt form jel form joulou jel in hing um a, hinanleh tutung election in ching tei tei tum ahiman in party 12 tah toh alliance bawl hial hi. A ki zoppi te: Communist Party of India (CPI), Communist Part of India Marxist (CPM), Desiya Murpokku Dravida Kazhagam (DMDK), Manithaneya Makkal Katchi, All India Samathuva Makkal Katchi (AISMK), Republican Party of India (RPI), Forward Block, All India Movvendar Munnani Kazhagam (AIMMK) etc.. Tua chi’n 16 April 2011 ni’n a thum veina di’ Tamil Nadu Chief Minister dia ki chiemsah in um ta hi.
References
http://en.wikipedia.org/wiki/Indira_Gandhi
http://en.wikipedia.org/wiki/Sonia_Gandhi
http://en.wikipedia.org/wiki/Sheila_Dikshit
http://en.wikipedia.org/wiki/Mayawati
http://en.wikipedia.org/wiki/Mamata_Banerjee
Compiled by T. Zamlunmang Zou @ Pupu Zou
No comments:
Post a Comment